Sýret: gov.kz
Ulttyq mýzei direktorynyń burynǵy orynbasary qamaýǵa alyndy, - dep habarlaidy "Ult aqparat" Antikor baspasóz qyzmetine silteme jasap.
"Sybailas jemqorlyqqa qarsy qyzmet QR Ulttyq mýzeiiniń burynǵy direktory Arystanbek Muhamediulyna (QR Mádeniet jáne sport eks-ministri) jáne basqa da adamdarǵa qatysty biýdjet qarajatyn asa iri mólsherde urlaý faktileri boiynsha tergeýdi jalǵastyryp jatyr.
Júrgizilip jatqan tergeý aiasynda A. Muhamediulymen jáne basqalarmen sóz bailasyp, «Álem murajailary boiynsha Altyn adamnyń sherýi» halyqaralyq kórmesiniń jobasyn iske asyrý kezinde 221 million teńge somasynda senip tapsyrylǵan biýdjet qarajatyn urlaýǵa qatysqan «QR Ulttyq murajaiy» RMQK direktorynyń burynǵy orynbasary A.Sh. Nurazhan ustaldy" - delingen habarlamada.
Almaz Nurazhan Astana qalasynyń mamandandyrylǵan aýdanaralyq tergeý sotynyń sanktsiiasymen 2 ai merzimge qamaýǵa alynǵan.
Tergeý jalǵasyp jatyr. Tergeý múddesine sai ózge aqparat jariia etilmeidi.
Eske salaiyq, 17 qańtarda Arystanbek Muhamediulynyń qamaý merzimi taǵy bir aiǵa uzarǵan bolatyn. Ol 2022 jylǵy naýryzdan beri qamaýda. Sybailas jemqorlyqqa qarsy is-qimyl agenttigi oǵan biýdjet qarajatyn jymqyrdy degen aiyp taǵyp otyr.
