Nur-Sultan qalasynyń densaýlyq saqtaý basqarmasy Arystaǵy jarylys kezinde kólik astyna túsip, elordadaǵy №2 aýrýhanaǵa jetkizilgen Aian Sháripbaevtyń qaitys bolǵanyn rastady, dep habarlaidy "Ult aqparat".
«Bala 28 maýsym kúni Shymkent qalasynan elordaǵa jetkizildi. Ol aýyr jaǵdaida, túrli dene jaraqatymen kelip tústi. Balany aman alyp qalý úshin bar jaǵdai jasalyp, mamandar jumyldyryldy. Otandyq dárigerlerden bólek, arnaiy Máskeýden neirohirýrg maman shaqyryldy. Osy ýaqytqa deiin tiisti em-sharamen qatar, 25 shilde kúni onyń basyna ota jasaldy», - deidi qoǵamdyq densaýlyq saqtaý basqarmasy Ana men balany qorǵaý bóliminiń basshysy Áigerim Lebaeva.
Onyń aitýynsha, bala búgin tańerteń saǵat 09:00-de kóz jumǵan.
Eske salsaq, QR Densaýlyq saqtaý ministri Eljan Birtanov Arys apaty kezinde kólik astyna túsip, aýyr jaraqat alǵan 7 jasar Aian Sháripbaevtyń jaǵdaiy ózgerissiz ekenin, tipti sheteldik neirohirýrgtarǵa kórsetkenin aitqan bolatyn.
