Arystaǵy áskeri bólim qoimasynda bolǵan joiqyn jarylystan soń turǵyndardy qaladan shuǵyl kóshirip jatyr. Óńirdiń tótenshe jaǵdailar departamentiniń baspasóz qyzmeti habarlaǵandai, Shymkentte 15 qutqarý beketi ashylǵan, adamdar shuǵyl túrde sonda jetkiziledi.
Turǵyndardyń alǵashqy legin alyp ketý úshin 40 avtobýs attanǵan.
Aita keteiik, Arys halqynyń sany - shamamen 43 myń adam.
Turǵyndardy evakýatsiialaý týraly málimetti 8 (7252) 44-34-72 nómiri arqyly bilýge bolady. Sondai-aq, Shymkent qalasynyń TJD turǵyndar úshin qaýyrt jeli ashylǵanyn habarlady.
«Arys qalasynda bolǵan jaǵdaiǵa bailanysty Shymkent qalasy TJ departamentinde «Qaýyrt jelisi» jumys jasaidy. Táýlik boiy 8/7252/44-94-72 nemese 8/7252/35-33-66 telefon nómiri boiynsha siz qajetti aqparatty ala alasyzdar», - delingen habarlamada.
Jarylystan keiingi sharalardy tótenshe jaǵdailar departamenti, Túrkistan oblysy men Shymkent ákimdikteri júrgizýde.
