Memleket basshysy bas prokýrorǵa Arystaǵy jarylysqa kináli tulǵalardyń bárin jaýapqa tartýdy tapsyrdy, dep habarlaidy Aqorda.
Ǵizat Nurdáýletov memleket basshysyna qadaǵalaýshy organnyń biylǵy birinshi jartyjyldyqtaǵy jumystarynyń nátijeleri men aldaǵy kezeńge arnalǵan josparlary týraly baiandady.
Budan bólek, Toqaevqa bas prokýratýranyń quqyq qorǵaý organdarynyń qylmyspen kúreske jáne qoǵamdyq tártipti qamtamasyz etýge baǵyttalǵan úilestirý fýnktsiiasyn kúsheitý jumystarynyń oryndalýy jóninde baiandaldy.
Sondai-aq, Ǵizat Nurdáýletov azamattardyń konstitýtsiialyq quqyqtaryn qorǵaý jónindegi sharalar týraly esep berdi.
Qazaqstan prezidenti bas prokýrorǵa Arys qalasyndaǵy jarylystarǵa qatysty qylmystyq isti tergeý barysynda ádildik pen zańdylyqty qamtamasyz etýdi jáne kináli tulǵalardyń bárin jaýapqa tartýdy tapsyrdy.
Toqaev kúsh-jigerdi azamattardyń quqyǵyn qorǵaýǵa, sybailas jemqorlyq pen kóleńkeli ekonomikaǵa qarsy kúreske jumyldyrý qajettigin aitty.
