Túrkistan oblysynyń ákimi Ómirzaq Shókeev Arystaǵy jarylystyń saldaryn joiý boiynsha qandai jumystardyń júrgizilip jatqanyn aitty, - dep habarlaidy Sputnik Qazaqstan.
«Biz saǵat 09:20-da habardy estigennen keiin tótenshe jaǵdai komiteti, qorǵanys mnistrligi, oblys ákimidigimen birigip, shuǵyl sharalar qoldanyp jatyrmyz. Arys qalasynda 45 myń tuǵyn bar. Jarylystyń kólemi men aýqymyn kórgenennen keiin túgel qalany evakýatsiialaý týraly sheshim qabyldandy. Qulaqtandyrý quraldary iske qosyldy. Jeldiń baǵytyna bailanysty halyqty jinaityn úsh núkte bekitildi» dedi oblys ákimi baspasóz máslihatynda.
Onyń aitýynsha, qala turǵyndardy qaýipsiz jerge kóshirildi.
«Qazirgi ýaqytta Arysty ár saǵat saiyn aralap, kóshelerge arnaiy kólik, kolonna jiberip, turǵyndardy shyǵaryp jatyrmyz. Kópshiligi qaladan shyqty dep aitýǵa bolady. Qalanyń ishinde politsiia men áskerilermen birigip, patrýldeýge kiristik» dep baiandady Shókeev.
