QR Qorǵanys ministriniń orynbasary Baqyt Qurmanbaev Arystaǵy jarylysqa qatysty sot protsesi qalai júrgizilip jatqanyn aitty, dep habarlaidy QazAqparat.
«Mamyr aiynda Arys qalasyndaǵy oq-dári qoimasynda bolǵan jarylys faktisi boiynsha sot protsesi bastaldy. Qozǵalǵan ister bir iske toptastyryldy. Qalǵan máseleniń barlyǵyna qatysty pikir bildire almaimyn. Bul - sot óndirisiniń quzyreti», - dedi Baqyt Qurmanbaev BAQ ókilderimen kezdesý barysynda.
Buǵan deiin Arystaǵy jarylysqa qatysty joǵary laýazymdy 16 ákeri qyzmetshiniń jaýapqa tartylyp jatqanyn habarlaǵan edik. Aiyptalýshylardyń arasynda elimizdiń Qorǵanys ministrliginiń burynǵy birqatar laýazym ieleri, Arystaǵy №44859 áskeri bóliminiń basshylyq quramy jáne qatardaǵy qyzmetshileri bar. Al jarylystan zardap shekkenderdiń sany 1500-ge jýyqtaidy.
