QR Qorǵanys ministrligi Arys qalasyndaǵy tótenshe jaǵdai saldaryn joiý jumystaryn jalǵastyryp jatyr, dep habarlaidy "Ult aqparat".
Ministrlik málimetinshe, qazirgi ýaqytta tótenshe jaǵdai saldaryn joiý jumystaryna jeke quramnyń 2 400-den astam áskeri qyzmetshisi men 200-ge jýyq tehnikasy jumyldyrylǵan. Qarýly kúshter quqyqtyq tártipti qamtamasyz etý jáne aýylishilik joldardy jabý úshin 12 beket ornatqan. Oǵan 100-den astam áskeri qyzmetshi jumyldyrylǵan. «Arlan» saýytty kóligimen qala úshin sholǵyndaý júrgizilýde.
QR Qarýly kúshteriniń injener-sapiorleri jarylystar bolǵan aýmaqtan 20 shaqyrym radiýsta temir jol boiyn, qala ishin jarlyma qalǵan snariadtardan tazalaý júrgizip jatyr. Bul jumysqa shamamen 55 minadan tazartý tobynyń shamamen 550 áskeri qyzmetshisi tartylǵan. Áskeri politsiianyń 10 kinologiia toby da jumys isteýde.
«Búgingi kúni 5 700-den astam oq-dári fragmentteri tabylyp, shyǵaryldy. Ushqyshsyz ushatyn apparatty paidalaný arqyly qarý-jaraq qoimalarynyń aýmaǵy jáne oǵan irgeles jerler áýeden barlanyp, olardyń aqparattary Tótenshe jaǵdailar jónindegi jedel shtapqa berilip otyr. Osy kezeń aralyǵynda 13 ushý júzege asyryldy», - dep atap ótedi ministrikten.
