Arys qalasynda oblys ákiminiń tapsyrmasymen kásipkerlerge arnalǵan «Qamqor» baǵdarlamasy iske qosyldy, dep habarlaidy "Ult aqparat" oblys ákiminiń baspasóz qyzmetine silteme jasap.
5 mln teńgege deiin beriletin 1%-dyq jeńildetilgen kepilsiz nesieniń ýaqyty - 4 jyl.
Qazirgi tańda Arystaǵy kásipkerlerdiń máselesin sheshý úshin «Atameken» kásipkerler palatasynan 25 qyzmetker kelip, 17 sektorǵa bólinip, qyzmet atqarýda. Olar 10 kún boiy tótenshe jaǵdai saldarynan zardap shekken kásipkerlik nysandaryn baǵalap, tiisti somasyn eseptep shyǵady.
Jalpy, Arys qalasynda 346 kásipkerlik nysany tirkelgen. Sonyń ishinde 258 nysanǵa jarylys kezinde zaqym kelgen. 253 nysanǵa jóndeý jumystary júrgizilse, 5 nysan tolyqtai qaita salynady. Tiisti qarajat bólinýde.
Kezdesý barysynda ózderine qajetti keńes alǵan 2 kásipkerge 10 mln teńge kredit beriletin boldy. Sondai-aq, kásibin dóńgeletip otyrǵandar 2020 jyldyń 1 qańtaryna deiin salyqtan bosatylady.
Jeńildetilgen nesie berý úshin jergilikti biýdjetten 200 mln teńge qarjy bólinip otyr. «Damý» qorynan qosymsha 300 mln teńge qarastyrylady.
