Arystaǵy apat saldarynan 20 jolaýshylar poiyzy toqtap tur. Bul týraly «Jolaýshylar tasymaly» AQ baspasóz ortalyǵynan málimdedi, - dep habarlaidy "Ult Aqparat".
«Jedel shtab qurylyp, arnaiy rejimde jumys isteýde. 7 iri stansada – Shymkent, Túrkistan, Túlkibas, Taraz, Shý, Shieli, Qyzylodada 20 jolaýshylar poiyzy toqtatylyp, 8121 jolaýshyǵa jaǵdai jasaldy. Olar vokzal keshenderine kóshirilip, aýyz sý, tamaqpen qamtamasyz etildi. Jolaýshylardyń talaby boiynsha jol júrý aqysy qaitarylady. Atalǵan barsha vokzaldarda táýlik boiy kezekshilik uiymdastyrylyp, kerekti aqparat taratylýda» delingen habarlamada.
Kompaniia málimetinshe, Túrkistan, Jambyl jáne Qyzylorda oblys ákimdikterimen birige otyryp qala mańyna avtokólikpen 1500 jolaýshy tasymaldandy. Sondai-aq, Túrkistan -Mańǵystaý, Aqtóbe, Saratov jáne Shymkent-Taraz, Almaty baǵyttaryna jetip alý úshin 2000 jolaýshy avtokólikpen Túrkistannan Shymkentke jetkizilip, Qyzylorda-Sekseýil arasynda №42 Atyraý-Almaty poiyzynyń 430 jolaýshysyn jetkizý úshin 14 vagon qosymsha tirkelgen.
Jalpy Taraz, Shymkent, Túrkistan arasynda 8 myńnan astam jolaýshy avtokólikpen tasymaldandy. Ulttyq tasymaldaýshy óz jolaýshylaryna túsinýshilikpen qaraǵanyn jetkizedi.
Tasymalǵa qatysty qajetti aqparatty 105 biryńǵai anyqtama qyzmetinen alýǵa bolady.
