Arys qalasynyń ákimdigi sońǵy kezde qalada bolǵan oqiǵalarǵa qatysty pikir bildirdi, dep habarlaidy "Ult aqparat".
«44859 áskeri bóliminde oq-dárilerdiń jarylmaǵan bólshekterin joiatyn josparly jumystardyń júrgizilip jatqandyǵyn habarlaimyz. Bul jumystar Arys qalasynyń halqy úshin qaýip tóndirmeidi» delingen ákimdik paraqshasynda.
Eske salaiyq, 21 qyrkúiek kúni Arys qalasynan 60 shaqyrym jerde, arnaiy jasaqtalǵan poligon aýmaǵynda oq-dári bólshegi jarylǵan bolatyn.
Bul týraly QR Qorǵanys ministrligine resmi habarlaǵan edi. Ministrliktiń málimetinshe, jarylys arnaiy jasaqtalǵan poligon aýmaǵynda josparly jarylys jasaý jumystary kezinde oryn alǵan edi. Sonyń saldarynan 10 saper - kelisimshart áskeri qyzmetshisi jarqynshaq tiip jaraqat alǵan bolatyn. Olardyń barlyǵy ministrliktiń gospitaline jatqyzyldy.
Búgin Qorǵanys ministri Erlan Ermekbaev zardap shekken áserilerdiń úsheýiniń jaǵdaiy aýyr ekenin habarlaǵan bolatyn. Al, bireýiniń jaǵdaiy - ortasha deńgeidegi aýyr jáne taǵy bireýiniń jaǵdaiy – qanaǵattanarlyq ekenin jetkizdi.
