Túrkistan oblysy politseileri karantin talaptaryn saqtamai, qudalyq ótkizýge ruqsat bergen meiramhanany anyqtady, – dep habarlaidy "Ult aqparat".
Túrkistan oblysynda infektsiialyq aýrýlardy juqtyrǵan naýqastar sany azaimai tur. Sondyqtan óńirde karantin rejimi jaǵdai turaqtanǵansha jalǵasady. Túrkistan oblysy bas sanitar dárigeriniń sheshimine sáikes, shekteý sharalary qaita kúsheitilgen.
Osyǵan orai Túrkistan oblysy politsiia departamentine qarasty barlyq politsiia bólim, basqarma qyzmetkerleri adam kóp shoǵyrlanatyn qoǵamdyq oryndar, bazar, kafelerde túsindirme jumysyn júrgizýde. Arnaiy kólikpen kóshe-kósheni aralap, qaýipsizdik sharalarynyń, araqashyqtyqtyń saqtalýyn eskertip júr.
Alaida, aitylǵan eskertýlerge qaramastan, talapqa baǵynbaityn uiymdar da joq emes. Senbi, jeksenbi kúnderi jumys isteýge tyiym salynǵan nysandardy baqylap, reid júrgizý kezinde jergilikti politsiia qyzmetiniń inspektorlary Arys qalasy kósheleriniń birinde ornalasqan meiramhananyń jumys istep, ishinde adamdar toptasyp, qudalyq ótkizip jatqanyn anyqtady. Osy zańsyzdyq boiynsha qajetti materialdar jinaqtalyp, sanitariialyq-epidemiologiialyq qyzmet organdaryna jiberildi. Budan keiingi kúnderi de politseiler kásipkerlerge karantinge bailanysty shekteýlerdi eskerýin qadaǵalap, reidti úzdiksiz uiymdastyryp otyrady.
