Densaýlyq saqtaý ministri Eljan Birtanov Arys qalasynda jaraqat alǵan 8 jasar balanyń jaǵdaiy týraly aityp berdi, dep habarlaidy Sputnik Qazaqstan tilshisi.
"Qazir Arystaǵy jaǵdaidan keiin úsh adam aýrýhanada jatyr. Bireýi Shymkent qalasynda, endi bireýi Almatyda jáne bir naýqas osynda - Nur-Sultan qalasynda. Jansaqtaý bóliminde jatqan naýqasty erekshe baqylap otyrmyz. Eki adamnyń beti beri qarap keledi. Al 8 jasar balanyń jaǵdaiy óte nashar", - dedi Birtanov astanada ótken baspasóz máslihatynda.
Ministrdiń aitýynsha, bala basynan jaraqat alǵan. Oǵan barlyq meditsinalyq kómek kórsetilip, sanitarlyq aviatsiiamen astanaǵa jetkizilgen.
"Jaqynda balany master-klasqa kelgen sheteldik neirohirýrgtarǵa kórsettik. Olar jan-jaqty emdep jatyr. Alaida kóbinese bul dárigerlerdiń qolynda emes. Jaraqaty aýyr, óte kúrdeli. Ókinishke qarai, balanyń jaǵdaiy túzelip kele jatqan joq, óte nashar deýge bolady. Biraq biz barlyq qajetti kómekti uiymdastyrdyq", - deidi Birtanov.
