دەنساۋلىق ساقتاۋ مينيسترٸ ەلجان بٸرتانوۆ ارىس قالاسىندا جاراقات العان 8 جاسار بالانىڭ جاعدايى تۋرالى ايتىپ بەردٸ, دەپ حابارلايدى Sputnik قازاقستان تٸلشٸسٸ.
"قازٸر ارىستاعى جاعدايدان كەيٸن ٷش ادام اۋرۋحانادا جاتىر. بٸرەۋٸ شىمكەنت قالاسىندا, ەندٸ بٸرەۋٸ الماتىدا جەنە بٸر ناۋقاس وسىندا - نۇر-سۇلتان قالاسىندا. جانساقتاۋ بٶلٸمٸندە جاتقان ناۋقاستى ەرەكشە باقىلاپ وتىرمىز. ەكٸ ادامنىڭ بەتٸ بەرٸ قاراپ كەلەدٸ. ال 8 جاسار بالانىڭ جاعدايى ٶتە ناشار", - دەدٸ بٸرتانوۆ استانادا ٶتكەن باسپاسٶز مەسليحاتىندا.
مينيستردٸڭ ايتۋىنشا, بالا باسىنان جاراقات العان. وعان بارلىق مەديتسينالىق كٶمەك كٶرسەتٸلٸپ, سانيتارلىق اۆياتسييامەن استاناعا جەتكٸزٸلگەن.
"جاقىندا بالانى ماستەر-كلاسقا كەلگەن شەتەلدٸك نەيروحيرۋرگتارعا كٶرسەتتٸك. ولار جان-جاقتى ەمدەپ جاتىر. الايدا كٶبٸنەسە بۇل دەرٸگەرلەردٸڭ قولىندا ەمەس. جاراقاتى اۋىر, ٶتە كٷردەلٸ. ٶكٸنٸشكە قاراي, بالانىڭ جاعدايى تٷزەلٸپ كەلە جاتقان جوق, ٶتە ناشار دەۋگە بولادى. بٸراق بٸز بارلىق قاجەتتٸ كٶمەكتٸ ۇيىمداستىردىق", - دەيدٸ بٸرتانوۆ.
