Densaýlyq saqtaý ministrligi Arystaǵy jarylystan zardap shekkenderge meditsinalyq kómek kórsetý úshin barlyǵyn istep jatqanyn habarlady, – dep habarlaidy "Ult Aqparat".
«Jambyl jáne Qyzylorda oblystarynyń taǵy 12 jedel járdem toby tolyq daiyn. Sondai-aq jaraly azamattarǵa kómektesý úshin Almaty qalasynan eki meditsinalyq brigada jiberildi. Onyń quramynda - reanimatologtar, travmatologtar, balalar reanimatologtary jáne neirohirýrgtar bar. Qazirgi kezde barlyq aýyr naýqastarǵa konsýltatsiialyq kómek kórsetilip, olardyń bireýine osy jerde operatsiia jasaldy» dedi QR densaýlyq saqtaý vitse-ministri Oljas Ábishev.
Ortalyq kommýnikatsiialar qyzmetiniń baspasóz máslihatynda vitse-ministr qajet bolǵan jaǵdaida, sanitarlyq aviatsiianyń 2 tikushaǵy daiyn dedi. Vitse ministrdiń aitýynsha, tikushaqtardyń borty meditsinalyq jabdyqtarmen jáne mobildi brigadalarmen jabdyqtalǵan.
