Shymkent qalasy men Túrkistan oblysynda jarylystan zardap shekken turǵyndardy qaita qujattandyrý bastaldy, – habarlaidy "Ult aqparat".
Qaladaǵy evakýatsiialaý pýnktterinde «Azamattarǵa arnalǵan úkimet» memlekettik korporatsiiasynyń mamandary zardap shekkenderge keńes berip, memlekettik qyzmetterdiń kórsetilýin qamtamasyz etýde.
Sondai-aq, jergilikti atqarýshy bilik organdarymen birlesip, qaladan qutqarylǵan jáne evakýatsiialaý oryndaryna jetkizilgen adamdardyń tizimin jasaýǵa járdemdesýde.
Búgingi tańda bul jumystar Shymkent qalasynda 15 jáne Túrkistan oblysynyń Ordabasy, Saryaǵash, Qazyǵurt, Otyrar, Shardara aýdandary men Arys mańyndaǵy aýyldary úshin 13 evakýatsiialaý orny janynan arnaiy ashylǵan pýnkterde uiymdastyrylǵan.
Memlekettik korporatsiia qyzmetkerleri qajetti memlekettik qyzmetterdi kórsetip, mobildi HQO jumys isteýde. Qyzmetkerler zardap shekkenderge aqparattyq anyqtamalardy alyp berip, qujattardy qalpyna keltirý boiynsha qajetti qaǵazdardy ázirleýde.
Bul rette turǵyndardy qujattandyrý boiynsha migratsiialyq qyzmet basqarmasymen jedel túrde yqpaldasý sharalary qolǵa alynǵan.
