Arys qalasynyń júzdegen turǵyny bilikti dárigerlerge qaralýǵa keldi, dep habarlaidy "Ult aqparat" Túrkistan oblysy ákiminiń baspasóz qyzmetine silteme jasap.
Túrkistan oblysynda «Densaýlyq joly» respýblikalyq sharasy ótýde. Aýqymdy shara Túrkistan oblystyq qoǵamdyq densaýlyq basqarmasy men oblystyq salaýatty ómir saltyn qalyptastyrý ortalyǵynyń uiymdastyrýymen júzege asty.
Arys turǵyndary terapevt, endokrinolog, oftalmolog, pediatr, onkolog, psihologqa qaralyp, ZOJ mamandary men Mindetti áleýmettik meditsinalyq saqtandyrý máselesi boiynsha keńes alýda.
5 tamyzdan 9 tamyz aralyǵynda barlyq aýdan, qalalarda jyl saiynǵy respýblikalyq «Densaýlyq joly» aktsiiasy ótedi. «Densaýlyq joly» ulttyq baǵdarlamasynyń negizgi maqsaty – turǵyndardyń densaýlyǵyn tuz, qant, mailar (mailar, transmailar) joǵary mólsheri bar taǵamdardy shekteý nemese qoldanbaý densaýlyqqa paidasy týraly habarlaý, deneniń artyq salmaǵy, semizdik qaýpin tómendetý men juqpaly emes aýrýlardyń aldyn alý úshin turǵyndardy salaýatty ómir salty negizderine úiretý arqyly óz densaýlyqtaryn saqtaý men nyǵaitý. Túrkistan oblysynyń turǵyndaryna arnaiy meditsina mamandarynan quralǵan mobildi top meditsinalyq, profilaktikalyq keńester beredi. Onkolog, oftalmolog, endokrinolog jáne t.b. dárigerlerden quralǵan jyljymaly meditsinalyq keshen shalǵai aýyldyq eldi mekenderge shyǵady. Sonymen birge áleýmettik meditsinalyq saqtandyrý boiynsha da málimet alýǵa bolady.
