Túrkistan oblysyna qarasty Arys qalasynyń mańyndaǵy aýyldardyń biriniń qystaýynan joǵalyp ketken aǵaiyndy balalar tabyldy, dep habarlaidy "Ult aqparat" Túrkistan oblystyq Politsiia departamentiniń baspasóz qyzmetin silteme jasap.
Baspasóz málimetterine qaraǵana, 5 jáne 8 jastaǵy balalarynyń úileriniń janynda oinap júrip joǵalyp ketkeni týraly habardy Arys aýdandyq politsiiasyna balalardyń anasy jetkizgen.
Jaisyz habar birden tirkeýge alynyp, balalardy izdeýge Túrkistan oblysy Politsiia departamentiniń kriminaldyq politsiia basqarmasynan tájiribeli politseiler shyqqan. Balalardyń airyqsha belgileri týraly jan-jaqqa arnaiy aqparat taratylyp, izdeý jumystaryna áskeriler men eriktiler de jumyldyrylǵan.
Olar balalar joǵalǵan aimaqtyń ár túkpiri men shuńqyryna deiin tintip shyqty. Qajetti degen sharalardyń barlyǵyn atqardy. Balalar bir táýlikten soń úiden 10 shaqyrymdai qashyqtyqtaǵy shuńqyrdan tabyldy.
Qaryndary ashyp, sýyqqa tońyp qalǵany bolmasa, zardap shekpegen. Úilerinen shyǵyp, adasyp ketken balalardy Arys aýdandyq politsiia basqarmasynyń iývenaldy politsiia inspektorlary ata-anasyna aman-esen tabystady. Balalardyń ata-anasy politsiia qyzmetkerlerine alǵys aitty.
