Túrkistan oblysyndaǵy Arys qalasynan bir jyl ishinde shamamen 380 myń oq-dári shyǵaryldy. Onyń 300 myńǵa jýyǵy jarylý qaýpi bar oq-dáriger. Bul týraly búgin QR Qorǵanys ministriniń orynbasary Baqyt Qurmanbaev aitty, dep habarlaidy QazAqparat.
«Jarylý qaýpi bar fragmentterdi tasymaldaý úshin avtomobildermen 5 myńnan astam reis oryndaldy. Al, bul tek bir júk kóligi ǵana emes. Áskeri ǵylym erejesine sáikes, oq-dárilerdi qorǵaý jáne oǵan ilesip júrý jumystaryn áskeri qarýly qaraýyldar men áskeri politsiia kúshteri júzege asyrady», - dedi ol.
General-maior tótenshe jaǵdai oryn alǵanǵa deiin de oq-dárilerdi bytyratyp ornalastyrý boiynsha aýqymdy jumystar júrgizilgenin aitady.
«Bul rette, óz ómirlerin qaýip-qaterge tige otyryp, boryshtaryn joǵary kásibi deńgeide atqarǵan áskeri qyzmetshilerdiń batyrlyǵyn atap ótpesem bolmaidy. Sondyqtan da, ondaǵan áskeri qyzmetshi nagradalarǵa usynyldy», - dedi Baqyt Qurmanbaev.
