QR Bala quqyqtary jónindegi ýákil qyzmetine jaqynda ǵana taǵaiyndalǵan Arýjan Sain atqarǵan jumystary týraly ai saiyn esep berip turatynyn aitty, dep habarlaidy "Ult aqparat".
Bul týraly ol Facebook-tegi paraqshasynda jazdy.
«18 maýsym kúni men QR Bala quqyqtary jónindegi ýákil qyzmetine taǵaiyndaldym. Atqarylǵan jumystar men qol jetken nátijeler jóninde ai saiyn ashyq esep berip turýǵa bekindim.
Shildede meniń atyma árqaisysy qyiǵyly taǵdyrǵa toly 28 hat kelip tústi. Birinen tirlikten túńilgen jannyń janaiqaiy sezilse, birinen ómirlik qiyn túiindi sheshe almai qamyqqan jannyń úni estiledi. Alaida, olardyń barlyǵy bizder – úlkender sheshýge tiisti problemalar», - dedi ol.
A.Sain 12 isti óziniń jeke baqylaýyna alǵan.
Bul ister boiynsha barlyq ókiletti organdarmen birlesken qyzý jumystar júrip jatyr.
«Eń aldymen, sóileýdiń kohlearlyq implanttarynyń protsessorlaryn aýystyrýdyń qoldanystaǵy tártibimen kelispeitin bir top ata-ananyń úndeý meniń atyma kelip tústi. Máseleni obektivti túrde qaraý úshin men QR Eńbek jáne halyqty áleýmettik qorǵaý vitse-ministri Svetlana Jaqypovanyń atyna qoldanystaǵy zańdyq negizderdi túsindirýin ótinip, hat joldadym.
Ekinshiden, shildeniń sońǵy kúnderinde Adam quqyǵyn qorǵaý jónindegi Qazaqstandyq halyqaralyq biýroda ótken baspasóz máslihatynda Túrkistan oblysynyń mektep-internatynda tárbielenip jatqan balalardyń quqyqtary buzylǵanyn aiǵaqtaityn derekter jariialady. Osy maqsatta QR Bala quqyqtary jónindegi ýákildiń atynan Túrkistan oblysynyń prokýroryna balalar quqyqtarynyń tolyq saqtalýy men mektep-internattyń qyzmetiniń zańdylyǵyn keshendi túrde tekserý týraly resmi habarlama joldadym», - dedi ol.
Sonymen qatar, Arýjan Sain Atyraý qalasy ákimdigine «Baqytty Otbasy» baǵdarlamasyna qatysýǵa nietti múgedek balalary bar januialarǵa joldama berýden bas tartqan qyzmetkerlerdiń áreketterine zańdyq turǵyda baǵa berýlerin surap, hat joldaǵan.
Mikrotiia syrqaty boiynsha sátsiz ota jasalǵan qyzynyń jaǵdaiyn aityp, shyryldaǵan ananyń haty negizinde dárigerdiń qyzmetin tekserýdi talap etip, memlekettik organdarǵa júgingen.
«Men elimizdiń Bilim jáne ǵylym ministrligine sheteldikterdiń bala asyrap alý máselesin túsindirip berýlerin surastyryp, hat jazdym. Bul másele qazaqstandyq balalar shetelge satylyp jatyr degen aqparattar tarap, qoǵamdyq sananyń alańdaýshylyǵy baiqalǵandyǵynan týyndap otyr. Qoǵam aldynda jańa týǵan nárestelerdiń retinopatiiasy týraly problema turǵaly da kóp ýaqyt boldy. Búgingi kúni ol adam shoshityndai dárejege jetti. Meniń Densaýlyq saqtaý ministrine jazǵan hatym týra osy másele týraly.
Barlyq múddeli memlekettik organdar Ýákilmen birlese jumys jasaýǵa nietti. Ásirese, búgingi tańda Densaýlyq saqtaý, Bilim jáne ǵylym ministrlikterimen jáne ózge de vedomstvolarmen birigip jumys jasaýdyń alǵysharttaryn ázirleýdemiz. Tek osylai ǵana bizdiń árbir qadamymyz tiimdi bolatynyna senimdimin», - dedi ol.
