قر بالا قۇقىقتارى جٶنٸندەگٸ ۋەكٸل قىزمەتٸنە جاقىندا عانا تاعايىندالعان ارۋجان ساين اتقارعان جۇمىستارى تۋرالى اي سايىن ەسەپ بەرٸپ تۇراتىنىن ايتتى, دەپ حابارلايدى "ۇلت اقپارات".
بۇل تۋرالى ول Facebook-تەگٸ پاراقشاسىندا جازدى.
«18 ماۋسىم كٷنٸ مەن قر بالا قۇقىقتارى جٶنٸندەگٸ ۋەكٸل قىزمەتٸنە تاعايىندالدىم. اتقارىلعان جۇمىستار مەن قول جەتكەن نەتيجەلەر جٶنٸندە اي سايىن اشىق ەسەپ بەرٸپ تۇرۋعا بەكٸندٸم.
شٸلدەدە مەنٸڭ اتىما ەرقايسىسى قىيعىلى تاعدىرعا تولى 28 حات كەلٸپ تٷستٸ. بٸرٸنەن تٸرلٸكتەن تٷڭٸلگەن جاننىڭ جانايقايى سەزٸلسە, بٸرٸنەن ٶمٸرلٸك قيىن تٷيٸندٸ شەشە الماي قامىققان جاننىڭ ٷنٸ ەستٸلەدٸ. الايدا, ولاردىڭ بارلىعى بٸزدەر – ٷلكەندەر شەشۋگە تيٸستٸ پروبلەمالار», - دەدٸ ول.
ا.ساين 12 ٸستٸ ٶزٸنٸڭ جەكە باقىلاۋىنا العان.
بۇل ٸستەر بويىنشا بارلىق ٶكٸلەتتٸ ورگاندارمەن بٸرلەسكەن قىزۋ جۇمىستار جٷرٸپ جاتىر.
«ەڭ الدىمەن, سٶيلەۋدٸڭ كوحلەارلىق يمپلانتتارىنىڭ پروتسەسسورلارىن اۋىستىرۋدىڭ قولدانىستاعى تەرتٸبٸمەن كەلٸسپەيتٸن بٸر توپ اتا-انانىڭ ٷندەۋ مەنٸڭ اتىما كەلٸپ تٷستٸ. مەسەلەنٸ وبەكتيۆتٸ تٷردە قاراۋ ٷشٸن مەن قر ەڭبەك جەنە حالىقتى ەلەۋمەتتٸك قورعاۋ ۆيتسە-مينيسترٸ سۆەتلانا جاقىپوۆانىڭ اتىنا قولدانىستاعى زاڭدىق نەگٸزدەردٸ تٷسٸندٸرۋٸن ٶتٸنٸپ, حات جولدادىم.
ەكٸنشٸدەن, شٸلدەنٸڭ سوڭعى كٷندەرٸندە ادام قۇقىعىن قورعاۋ جٶنٸندەگٸ قازاقستاندىق حالىقارالىق بيۋرودا ٶتكەن باسپاسٶز مەسليحاتىندا تٷركٸستان وبلىسىنىڭ مەكتەپ-ينتەرناتىندا تەربيەلەنٸپ جاتقان بالالاردىڭ قۇقىقتارى بۇزىلعانىن ايعاقتايتىن دەرەكتەر جارييالادى. وسى ماقساتتا قر بالا قۇقىقتارى جٶنٸندەگٸ ۋەكٸلدٸڭ اتىنان تٷركٸستان وبلىسىنىڭ پروكۋرورىنا بالالار قۇقىقتارىنىڭ تولىق ساقتالۋى مەن مەكتەپ-ينتەرناتتىڭ قىزمەتٸنٸڭ زاڭدىلىعىن كەشەندٸ تٷردە تەكسەرۋ تۋرالى رەسمي حابارلاما جولدادىم», - دەدٸ ول.
سونىمەن قاتار, ارۋجان ساين اتىراۋ قالاسى ەكٸمدٸگٸنە «باقىتتى وتباسى» باعدارلاماسىنا قاتىسۋعا نيەتتٸ مٷگەدەك بالالارى بار جانۇيالارعا جولداما بەرۋدەن باس تارتقان قىزمەتكەرلەردٸڭ ەرەكەتتەرٸنە زاڭدىق تۇرعىدا باعا بەرۋلەرٸن سۇراپ, حات جولداعان.
ميكروتييا سىرقاتى بويىنشا سەتسٸز وتا جاسالعان قىزىنىڭ جاعدايىن ايتىپ, شىرىلداعان انانىڭ حاتى نەگٸزٸندە دەرٸگەردٸڭ قىزمەتٸن تەكسەرۋدٸ تالاپ ەتٸپ, مەملەكەتتٸك ورگاندارعا جٷگٸنگەن.
«مەن ەلٸمٸزدٸڭ بٸلٸم جەنە عىلىم مينيسترلٸگٸنە شەتەلدٸكتەردٸڭ بالا اسىراپ الۋ مەسەلەسٸن تٷسٸندٸرٸپ بەرۋلەرٸن سۇراستىرىپ, حات جازدىم. بۇل مەسەلە قازاقستاندىق بالالار شەتەلگە ساتىلىپ جاتىر دەگەن اقپاراتتار تاراپ, قوعامدىق سانانىڭ الاڭداۋشىلىعى بايقالعاندىعىنان تۋىنداپ وتىر. قوعام الدىندا جاڭا تۋعان نەرەستەلەردٸڭ رەتينوپاتيياسى تۋرالى پروبلەما تۇرعالى دا كٶپ ۋاقىت بولدى. بٷگٸنگٸ كٷنٸ ول ادام شوشيتىنداي دەرەجەگە جەتتٸ. مەنٸڭ دەنساۋلىق ساقتاۋ مينيسترٸنە جازعان حاتىم تۋرا وسى مەسەلە تۋرالى.
بارلىق مٷددەلٸ مەملەكەتتٸك ورگاندار ۋەكٸلمەن بٸرلەسە جۇمىس جاساۋعا نيەتتٸ. ەسٸرەسە, بٷگٸنگٸ تاڭدا دەنساۋلىق ساقتاۋ, بٸلٸم جەنە عىلىم مينيسترلٸكتەرٸمەن جەنە ٶزگە دە ۆەدومستۆولارمەن بٸرٸگٸپ جۇمىس جاساۋدىڭ العىشارتتارىن ەزٸرلەۋدەمٸز. تەك وسىلاي عانا بٸزدٸڭ ەربٸر قادامىمىز تيٸمدٸ بولاتىنىنا سەنٸمدٸمٸن», - دەدٸ ول.
