Memleket basshysynyń Ókimimen Arýjan Sain Qazaqstan Respýblikasyndaǵy Bala quqyqtary jónindegi ýákil qyzmetine taǵaiyndaldy, dep habarlaidy "Ult aqparat" Aqordaǵa silteme jasap.
Al buǵan deiin bul qyzmetti atqarǵan Sáýle Aitpaeva Prezidenttiń Ókimimen qyzmetinen bosatyldy.
Arýjan Sain 1976 jyly 10 tamyzda Qyzylorda qalasynda dúniege kelgen.
Ál-Farabi atyndaǵy Qazaq Ulttyq ýniversitetiniń geografiia fakýltetin bitirgen.
Eńbek joly: Habar telearnasyndaǵy kúndelikti «Razminka» baǵdarlamasynyń telejúrgizúshisi (1993 jyldan bastap); «Dámdi jáne tez», ary qarai «Juldyzdy meniý» kýlinarlyq baǵdarlamalarynyń telejúrgizýshisi (1994-1999); «Erkemai» búldirshinderge arnalǵan oiyn baǵdarlamasynyń telejúrgizýshisi (1994-2000); «El Arna» telearnasyndaǵy «Ana mektebi» tanymdyq baǵdarlamasynyń telejúrgizýshisi (2006 jyldan bastap); «Sabyrlyq, tek sabyrlyq» tok-shoýynyń telejúrgizýshisi (2010 jyldan bastap); «Búldirshinderge Ómir syila» baǵdarlamasynyń júrgizýshisi (2011 jyldan bastap).
2009 jyly «Múgedekterge qamqorlyq jasaǵany úshin» atalymy boiynsha «Altyn júrek» («Zolotoe serdtse») syilyǵyna usynylǵan. «Halyq súiiktisi» ulttyq syilyǵynyń laýreaty.
