Almatylyq ARTiShOK teatry eki jyl boiy jas akterler men rejisserlerdi tegin oqytatyn bolady.
1 tamyz ben 13 qyrkúiek aralyǵynda akterlik-rejisserlik kýrsqa qabyldaý bastalady. Grantty 18-28 jas aralyǵyndaǵy stýdentter utyp ala alady. Ol úshin áńgimelesý kezeńi men úsh shyǵarmashylyq emtihannan súrinbei ótý kerek. Emtihandy sátti tapsyrǵanmen, jasy talapqa sai bolmasa, aqyly oqý múmkindigi bar.
"Biz teatr, spektakl, performansty kez kelgen jerde jasai alatyn ártis daiyndaýdy kózdep otyrmyz. Kostiým, keńistik pen rekvizitti ózderi op-ońai oilap taba alatyn mamandar bolsa deimiz. Sondai-aq, kórermen, qoǵam jáne jýrnalistermen bailanys ornata alýy mańyzdy", - deidi ARTiShOK direktory.
Mekteptegi rejisserlik baǵytty ARTiShOK-tyń shyǵarmashylyq jetekshisi Galina Pianova, al akterlik baǵytqa Shyńǵys Qapin jetekshilik etedi. Qazaqstan, Resei, Eýropa men AQSh-tyń teatr salasynyń mamandary pedagog retinde shaqyrylady.
