Úkimet otyrysynda Energetika ministri Nurlan Noǵaev Temirtaýdaǵy jylytý nysandarynyń problemasyn atady, dep habarlaidy "Ult aqparat".
«Sońǵy jyldary «ArselorMittal Temirtaý» aktsionerlik qoǵamynyń №2 jylý elektr ortalyǵy qazandyqtarynyń nashar tehnikalyq jaǵdaiyna bailanysty jii isten shyǵýy saldarynan Temirtaý qalasynyń turǵyndarynda jylý energiiasynyń tapshylyǵy oryn aldy. №2 jylý elektr ortalyǵy negizgi jabdyqtaryn jóndeýge bólinetin qarajat fizikalyq tozý men apattylyq deńgeiin tómendetpedi. JEO-nyń negizgi jabdyǵynyń ortasha tozý kórsetkishi 77%-dy quraidy. Jylytý maýsymynda 5 qazandyq jumys istep, 1 qazandyq rezervte bolýy tiis», - degen ministr elektr stansasyndaǵy jylý qýatynyń tómendeýi saldarynan Temirtaý qalasynyń tutynýshylaryna 2 táýlik boiy jylý tapshylyǵy týyndaǵanyn eske saldy.
«Osy fakti boiynsha Atom jáne energetikalyq qadaǵalaý men baqylaý komitetiniń Qaraǵandy oblysy boiynsha aýmaqtyq departamenti 10-25 naýryz aralyǵynda «ArselorMittal Temirtaý» aktsionerlik qoǵamynyń №2 jylý elektr ortalyǵyna qatysty elektr energetikasy salasyndaǵy normativtik quqyqtyq aktileriniń talaptaryn saqtaý turǵysynan jospardan tys tekserý júrgizdi. Tekserý qorytyndysy boiynsha qazandyqtar men qazandyq tsehynyń ǵimarattaryn paidalanýǵa qoiylatyn talaptardyń buzylǵany anyqtaldy. «ArselorMittal Temirtaý» aktsionerlik qoǵamyna №2 jylý elektr ortalyǵyndaǵy №7 qazan qurylysyn jedeldetý, sondai-aq 2-shi jylý elektr ortalyǵyn jańǵyrtýdyń perspektivalyq josparyn ázirleý qajet dep sanaimyz», - dedi Energetika ministri.
