Foto: ©️ Tengrinews.kz / Turar Qazanǵapov
«ArselorMittal Temirtaý» AQ memleket menshigine qaitarý kelissózderi aiaqtaldy. AMT eki kásipornynyń quny 286 mln dollarǵa baǵalanǵan. Ónerkásip jáne qurylys ministri Qanat Sharlapaev jańa investordyń kim ekenin málimdedi, dep habarlaidy Kazinform agenttigi.
Jańa investor – qazaqstandyq biznesmen Andrei Lavrentev. Ol 1979 jyly Almaty qalasynda dúniege kelgen. «Allur Group» kompaniialar tobynyń Direktorlar keńesiniń tóraǵasy, onyń quramynda «Agromashholding» jáne «SaryarqaAvtoProm» JShS bar. Kompaniialar toby Chevrolet, KIA, JAC jáne LADA avtobrendteriniń Qazaqstan aýmaǵyndaǵy resmi óndirýshisi jáne distribiýtory.
Eske sala ketsek, 28 qazan túngi saǵat 02.33-te Qaraǵandy oblysyndaǵy Kostenko atyndaǵy shahtada órt tutanyp, artynan jarylys boldy. Jer astynda jumys istep jatqan 252 kenshiniń 206-sy óz betimen joǵary shyqty.
31 qazan kúni 45 kenshiniń denesi jáne qaza tapqan 46-shy adamnyń dene bólshekteri tabyldy.
Qaraǵandy óńirine barǵan Memleket basshysy Úkimetke «ArselorMittalTemirtaý» kompaniiasymen investitsiialyq yntymaqtastyqty toqtatý týraly tapsyrma berdi.
Keiin Úkimettiń baspasóz qyzmeti «ArselorMittal Temirtaý» AQ-nyń menshik quqyǵyn QR menshigine qaitarý týraly kelisimsharttyń aiaqtalýǵa jaqyn ekenin málim etti.
