Illiýstratsiialyq foto:elements.envato.com
"ArselorMittal Temirtaý" kásipornynda bolǵan oqiǵadan zardap shekken jumysshynyń jaǵdaiy belgili boldy, - dep habarlaidy Tengrinews.kz.
Qaraǵandy oblysy Densaýlyq saqtaý basqarmasynyń málimetinshe, 1994 jyly týǵan naýqas aýrýhanaǵa jetkizilgen.
"Gemodinamika turaqty, mańdai bóliginde tereń jara bar. Qazirgi ýaqytta diagnostika júrgizilip, politravmatologiia bóliminiń meńgerýshisi, neirohirýrg, hirýrg, reanimatologtar birge tekserip jatyr. Naýqas qarqyndy terapiia bólimine jetkizildi", - dedi vedomstvo ókilderi.
Oblystyq eńbek inspektsiiasy jónindegi departament oqiǵaǵa bailanysty bastalǵan tergeý týraly habarlady.
"10 maýsymda "ArselorMittal Temirtaýdyń" bir top jumysshysy jazataiym oqiǵaǵa tap boldy. Onyń ishinde tórt adam qaza boldy, bireýi aýrýhanada jatyr. Qoldanystaǵy eńbek zańnamasy aiasynda arnaiy tergeý júrgizilip jatyr. Mán-jaiy men sebepteri habarlanady", - dedi Qaraǵandy oblysy eńbek inspektsiiasy jónindegi basqarmasynyń bólim basshysy Sahibjamal Safarova.
Qaraǵandy oblysy politsiia departamentiniń málimetinshe, Qylmystyq kodekstiń 277-baby 3-bóligi boiynsha qylmystyq is qozǵalǵan.
"Oqiǵa ornynda Temirtaý qalalyq Politsiia departamenti men Politsiia basqarmasynyń jedel-tergeý toptary jumys istep jatyr. Mán-jai anyqtalyp jatyr", - dedi politsiiadaǵylar.
Eske salaiyq, buǵan deiin "ArselorMittal Temirtaý" kásipornynda tórt adam qaza tapqany habarlanǵan.
