يلليۋستراتسييالىق فوتو:elements.envato.com
"ارسەلورميتتال تەمٸرتاۋ" كەسٸپورنىندا بولعان وقيعادان زارداپ شەككەن جۇمىسشىنىڭ جاعدايى بەلگٸلٸ بولدى, - دەپ حابارلايدى Tengrinews.kz.
قاراعاندى وبلىسى دەنساۋلىق ساقتاۋ باسقارماسىنىڭ مەلٸمەتٸنشە, 1994 جىلى تۋعان ناۋقاس اۋرۋحاناعا جەتكٸزٸلگەن.
"گەموديناميكا تۇراقتى, ماڭداي بٶلٸگٸندە تەرەڭ جارا بار. قازٸرگٸ ۋاقىتتا دياگنوستيكا جٷرگٸزٸلٸپ, پوليتراۆماتولوگييا بٶلٸمٸنٸڭ مەڭگەرۋشٸسٸ, نەيروحيرۋرگ, حيرۋرگ, رەانيماتولوگتار بٸرگە تەكسەرٸپ جاتىر. ناۋقاس قارقىندى تەراپييا بٶلٸمٸنە جەتكٸزٸلدٸ", - دەدٸ ۆەدومستۆو ٶكٸلدەرٸ.
وبلىستىق ەڭبەك ينسپەكتسيياسى جٶنٸندەگٸ دەپارتامەنت وقيعاعا بايلانىستى باستالعان تەرگەۋ تۋرالى حابارلادى.
"10 ماۋسىمدا "ارسەلورميتتال تەمٸرتاۋدىڭ" بٸر توپ جۇمىسشىسى جازاتايىم وقيعاعا تاپ بولدى. ونىڭ ٸشٸندە تٶرت ادام قازا بولدى, بٸرەۋٸ اۋرۋحانادا جاتىر. قولدانىستاعى ەڭبەك زاڭناماسى اياسىندا ارنايى تەرگەۋ جٷرگٸزٸلٸپ جاتىر. مەن-جايى مەن سەبەپتەرٸ حابارلانادى", - دەدٸ قاراعاندى وبلىسى ەڭبەك ينسپەكتسيياسى جٶنٸندەگٸ باسقارماسىنىڭ بٶلٸم باسشىسى ساحيبجامال سافاروۆا.
قاراعاندى وبلىسى پوليتسييا دەپارتامەنتٸنٸڭ مەلٸمەتٸنشە, قىلمىستىق كودەكستٸڭ 277-بابى 3-بٶلٸگٸ بويىنشا قىلمىستىق ٸس قوزعالعان.
"وقيعا ورنىندا تەمٸرتاۋ قالالىق پوليتسييا دەپارتامەنتٸ مەن پوليتسييا باسقارماسىنىڭ جەدەل-تەرگەۋ توپتارى جۇمىس ٸستەپ جاتىر. مەن-جاي انىقتالىپ جاتىر", - دەدٸ پوليتسيياداعىلار.
ەسكە سالايىق, بۇعان دەيٸن "ارسەلورميتتال تەمٸرتاۋ" كەسٸپورنىندا تٶرت ادام قازا تاپقانى حابارلانعان.
