Foto: Facebook/Irina Em
Shahtinskide órtengen páterden «ArselorMittal Temirtaý» kompaniiasynyń advokaty Irina Emniń pyshaq jaraqaty bar máiiti tabyldy, dep habarlaidy Azattyq Ruhy.
Patriot Telegram-arnasynyń jazýynsha, máiit túski ýaqytta páterdegi órtti sóndirý kezinde tabylǵan. Bul aqparatty Qaraǵandy oblysynyń tótenshe jaǵdailar departamenti rastady.
«Bes qabatty turǵyn úidiń besinshi qabatyndaǵy páterde, jalpy alańy alty sharshy metrde ornalasqan jihazdar men turmystyq zattar janǵan. Órt ornynan 1969 jyly týǵan áieldiń máiiti tabyldy. Tótenshe jaǵdailar departamentiniń kúshteri podezdegi páterlerden toǵyz adamdy evakýatsiialady. Órt saǵat 13:25-te oqshaýlanyp, 13:31-de tolyǵymen sóndirildi. Oqiǵanyń mán-jaiy men órttiń shyǵý sebebi anyqtalyp jatyr», - dep túsindirdi TJD baspasóz qyzmeti.
Sondai-aq «ArselorMittal Temirtaý» advokatynyń ólimine qatysty QR Qylmystyq kodeksiniń 99-babynyń 1-bóligi «Adam óltirý» boiynsha is qozǵalǵan.
«Qazirgi ýaqytta oqiǵaǵa kináli tulǵa men mán-jaidy anyqtaý boiynsha jedel-izdestirý sharalary júrgizilip jatyr. Qajetti saraptamalar taǵaiyndaldy, - deidi Qaraǵandy oblysy boiynsha PD baspasóz qyzmeti ókilderi.
