Qaýipsizdik jáne eńbekti qorǵaý erejelerin óreskel buzý saldarynan "Shahtinskaia" shahtasynda kenshi jaralanyp, keiin qaza bolady. Komissiia osyndai qorytyndyǵa keldi, - dep habarlaidy Tengrinews.kz.
"Arnaiy tergeý qorytyndysy boiynsha, komissiia jazataiym oqiǵanyń sebepterin anyqtap, taraptardyń aralas jaýapkershiligin belgiledi. Zardap shekkenderge eńbek qaýipsizdigi jáne eńbekti qorǵaý qaǵidalaryn, metall arqandy bailaý jáne tasymaldaý boiynsha, sondai-aq taý-ken qazbalary boiynsha júkterdi bailaý jáne tasymaldaý shemalaryn óreskel buzýǵa jol berilgen. Jumys berýshi tarapynan jumys óndirisine tiisti baqylaý álsiz", - delingen Qaraǵandy oblysynyń eńbek inspektsiiasy jónindegi basqarmasynyń baspasóz qyzmeti jariialaǵan komissiia qorytyndysynda.
Komissiia quramyna memlekettik eńbek inspektory, "Shahtinskaia" shahtasynyń basshylyǵy, "Qorǵaý" kómirshiler kásipodaǵynyń ókilderi jáne Qaraǵandy oblysy boiynsha ónerkásiptik qaýipsizdik departamentiniń bas mamany kirgen. Arnaiy tergeý aiaqtalǵannan keiin materialdardyń kóshirmesi aýmaqtyq politsiia organyna jiberildi, dep tolyqtyrdy vedomstvo.
Qaraǵandy oblysy PD baspasóz qyzmeti taý-ken jumysshysynyń ólimi QR QK-niń 227-babynyń 2-bóligi "Taý-ken jumystaryn júrgizý kezinde abaisyzda adam ólimine ákep soqqan qaýipsizdik erejelerin buzý" boiynsha tergelip jatqanyn aitty.
Sonymen qatar, politsiia "ArselorMittal Temirtaý" bolat departamentiniń aglofabrikasyndaǵy konveierge túsip ketken 46 jastaǵy brigadirdiń ólimine qatysty qylmystyq isti tergep jatyr. Oqiǵa QR QK-nyń 156-baby 3-bóligi "Abaisyzda adam ólimine ákep soqqan eńbekti qorǵaý qaǵidalaryn buzý" boiynsha tirkelgen.
Aita keteiik, 22 jeltoqsanda "ArselorMittal Temirtaý" Kómir departamentiniń "Shahtinskaia" shahtasynda 1975 jyly týǵan jumysshy metall synyqtaryn tieý jumystary kezinde zardap shekken bolatyn. Ol meditsinalyq mekemege jatqyzylyp, keiinnen qaza bolaǵan edi.
