Indýstriia jáne infraqurylymdyq damý ministri Qaiyrbek Óskenbaev búgin «ArselorMittal Temirtaýda» bolǵan apatqa qatysty pikir bildirdi, dep habarlaidy "Ult aqparat".
«Osy qaiǵaly oqiǵaǵa qatysty kóz jumǵan jumysshylardyń otbasy men jaqyndaryna kóńil aitamyn.
Shynynda da, «Arselor Mittal Temirtaýdyń» jumysy qazaqstandyqtardy alańdatyp otyr. Bul jaǵdai qaza bolǵan jumysshynyń jaqyndarymen qatar, búkil qazaqstardyqtarǵa da aýyr tiiýde.
Prezidenttiń tapsyrmasy boiynsha Úkimet bir emes, birneshe komissiia qurǵan. Onda ár ministrlikten 70-ten asa maman jumys istep jatyr. Onyń nátijelerin jaqyn kúnderi kóremiz dep oilaimyn.
«Arselor Mittal Temirtaý» kompaniiasynyń basshylaryna qatysty qatal sheshimder qabyldanady. Negizi bul kompaniia Qazaqstanda jumys istei me, istemei me degen másele qaralatyn bolady», - dedi ministr Senattyń jalpy otyrysynan keiin tilshiler suraǵyna jaýap bere otyryp.
Budan buryn habarlanǵandai, 8 jeltoqsanda «ArselorMittal Temirtaý» AQ metallýrgiialyq zaýytynyń kokshimiialyq óndirisinde adam ólimine ákelgen apat boldy. Apattan 1982 jyly týǵan qyzmetker kóz jumdy.
