Foto: REUTERS/Francois Lenoir - RTSHKKE
Ekologtar tekserisinen keiin «ArselorMittal Temirtaý» kompaniiasy aýany lastaǵany úshin 1 milliard teńgeden astam aiyppul tóleitin boldy, dep habarlaidy "Ult aqparat" Qaraǵandy oblysynyń Ekologiia departamentine silteme jasap.
"Qaraǵandy oblysy boiynsha Ekologiia departamenti «Jol kartasy» baǵdarlamasyn iske asyrý sheńberinde 2022 jyldyń 5 qyrkúiegi – 3 qazany aralyǵynda «ArselorMittal Temirtaý» AQ-na qatysty kompaniianyń barlyq kásipornyndaǵy tsehterine jospardan tys tekseris júrgizdi. Tekserý barysynda Qazaqstan Respýblikasy tabiǵatty qorǵaý zańnamasyn óreskel buzýshylyqtardyń birqataryn anyqtady.
Negizgi buzýshylyqtar birqatar tsehta (koksteý, JEO-2, aglomeratsiialyq, domna peshi, №2, №3 metall ileý jáne ák kúidirý tsehtary) shyǵaryndylardyń shekti ruqsat etilgen normadan asyp ketýi boldy.
Tabiǵatty qorǵaý zańnamasyn buzǵany úshin departament 1 207 287 661 teńge somasynda ákimshilik aiyppul saldy" - delingen habarlamada.
Búgingi tańda Temirtaý qalasy ákimshilik sotynyń qaýlysymen «ArselorMittal Temirtaý» AQ úshin 2023 jyldyń 15 tamyzyna deiin aiyppuldy úsh kezeń boiynsha bólip tóleý jospary belgilengen.
