"Arselor Mittal Temirtaý" kompaniiasy qalany qara tútinge oraǵan metallýrgiialyq kombinatqa memlekettik ekologtardy kirgizbei otyr, dep habarlaidy Sputnik Qazaqstan agenttigi KTK telearnasyna silteme jasap.
Qorshaǵan ortaǵa kelgen shyǵyndy esepteýge múmkindik bermegeni úshin olarǵa aiyppul qarastyrylǵan. Biraq sheteldik kompaniia bir jyl ishinde osymen úshinshi ret quzyrly organ ókilderine esik ashpaǵan.
Osyǵan deiin eki ret memlekettik ekologiia inspektoryn tabaldyryǵynan attatpaǵan alpaýyt 1 million 200 myń teńge aiyppul tólepti. Bul joly da solai istegen.
Óitkeni jyl basynan beri ekologiialyq talaptardy saqtamaǵan óndiristiń qorshaǵan ortaǵa keltirgen shyǵyn kólemi 4 jarym milliard teńgeni qurapty. Odan bólek 348 million teńge aiyppul salynǵan.
Sondyqtan millardtaǵan shyǵynǵa ushyraǵansha, ákimshilik aiyppulmen qutylýdy qup kórgendei. Ekologtar elde jumys istep jatqan sheteldik kompaniia memlekettik inspektordy keýdeden iterýi sol eldiń zańyn pysqyrmaýy deidi.
"Tekseriske qarsy bolý, bizge qarsylyq bildirý kásiporynda bolyp jatqan zańbuzýshylyqty jasyrý. Búkil jerde sheteldik kompaniialar jumys isteidi, olar kez kelgen halyqtyń ulttyq zańdylyqtaryn saqtaýǵa bmúddeli bolýy kerek", - deidi Qaraǵandy oblyy ekologiia departamenti basshysynyń orynbasary Darhan Isjanov.
Aitýlarynsha, tekseris qaitken kúnde de júredi, biraq osyndai áreketpen kompaniia ýaqyt utý amalyn jasap otyrýy múmkin.
