Illiýstratsiialyq foto: ©Turar Qazanǵapov, Tengrinews.kz
"Qazaqstan" shahtasyndaǵy apatqa bailanysty kenshiler evakýatsiialanyp jatyr, - dep habarlaidy "Ult aqparat".
Óńir ákimdigi baspasóz qyzmetiniń málimetinshe, Qaraǵandy oblysynda "ArselorMittal Temirtaý" AQ Kómir departamentine qarasty "Qazaqstan" shahtasynda konveier taspasynyń órtenýine bailanysty apatty joiý jospary engizildi.
Oqiǵa ornyna oblys ákiminiń birinshi orynbasary Vadim Basin men Shahtinsk qalasynyń ákimi Murat Qydyrǵanbekov jetken. Sondai-aq «Kásibi áskerilendirilgen avariialyq-qutqarý qyzmeti» respýblikalyq ortalyǵy qyzmetkerleri jumys istep jatyr.
"17 tamyzda saǵat 10:05-te "ArselorMittal Temirtaý" AQ KD "Qazaqstan" shahtasynda D6 (gorizont – 170 m) kómir eńisiniń qazbasynda konveier taspasynyń órtenýi oryn aldy, apatty joiý jospary engizildi. Shahtany jeldetý júrgiziledi (aýa berý keri pozitsiiaǵa aýystyryldy).
Orynǵa "KÁAQQ" RO 3 bólimshesi (15 qyzmetker jáne 5 tehnika birligi) jáne TJD (8 qyzmetker jáne 2 tehnika birligi) keldi.
Shahtada barlyǵy 227 adam boldy. Olardy shahtanyń qaptaly arqyly jer betine shyǵaryp jatyr. Qazirgi sátte 182 adam jer betine shyǵaryldy. Bul jerge qosymsha "KÁAQQ" RShM (15 qyzmetker jáne 3 tehnika birligi) jáne TJD (8 qyzmetker jáne 2 tehnika birligi) kúshteri keledi, – delingen jedel habarlamada.
