Foto: Polisia.kz
Nur-Sultanda politsiia qyzmetkerleri arnaiy operatsiia barysynda jáne uzaq ýaqyt boiy júrgizilgen is-sharalardyń nátijesinde elorda aýmaǵyna asa iri kólemde esirtki jetkizip, ony satýmen ainalysqan qylmystyq top múshelerin ustady, – dep habarlaidy "Ult aqparat" Polisia.kz saityna silteme jasap.
"Politsiia qyzmetkerleriniń úilestirilgen is-qimyldarynyń arqasynda elordaǵa kireberiste, Qaraǵandy – Nur-Sultan tas jolynda 36 jastaǵy júrgizýshiniń basqarýymen Toyota Estima markaly avtokólik ustaldy, onyń salonynan salmaǵy 16 keliden asatyn “gashish” tárkilendi. Kóliktiń ishinde qylmystyq toptyń 23 jastaǵy uiymdastyrýshysy men 20 jastaǵy sybailasy bolǵan. Kúdiktiler bul zatty Shý qalasynan ákelip, elordada satpaq bolǵan. Esirtkiniń “qara naryqtaǵy” baǵasy 16 million teńge bolar edi.
Sondai-aq arnaiy operatsiia barysynda politsiia qyzmetkerleri tas jolda 27 jastaǵy júrgizýshiniń basqarýymen Toyota Camry 50 markaly avtokólikti toqtatyp, odan jeke tintý barysynda “gashish” tárkiledi" - delingen habarlamada.
Júrgizilgen operatsiianyń nátijesinde zańsyz ainalymdaǵy 16 keliden astam “gashish” esirtkisi tárkilengen.
Atalǵan fakti boiynsha QR QK 297-baby 2-bóligimen “Esirtki quraldaryn, psihotroptyq zattardy, sol tektesterdi ótkizý maqsatynda zańsyz daiyndaý, qaita óńdeý, satyp alý, saqtaý, tasymaldaý, jóneltý nemese ótkizý” sotqa deiingi tergeý júrgizilip jatyr. Ustalǵandar qamaýǵa alyndy.
Nur-Sultan qalasy PD Esirtki qylmysyna qarsy is-qimyl basqarmasynyń bastyǵy Erlan Akbarovtyń aitýynsha, elordaǵa esirtki zattaryn ákelýge jasalǵan barlyq árekettiń joly qatań túrde kesiletin bolady.
