فوتو: Polisia.kz
نۇر-سۇلتاندا پوليتسييا قىزمەتكەرلەرٸ ارنايى وپەراتسييا بارىسىندا جەنە ۇزاق ۋاقىت بويى جٷرگٸزٸلگەن ٸس-شارالاردىڭ نەتيجەسٸندە ەلوردا اۋماعىنا اسا ٸرٸ كٶلەمدە ەسٸرتكٸ جەتكٸزٸپ, ونى ساتۋمەن اينالىسقان قىلمىستىق توپ مٷشەلەرٸن ۇستادى, – دەپ حابارلايدى "ۇلت اقپارات" Polisia.kz سايتىنا سٸلتەمە جاساپ.
"پوليتسييا قىزمەتكەرلەرٸنٸڭ ٷيلەستٸرٸلگەن ٸس-قيمىلدارىنىڭ ارقاسىندا ەلورداعا كٸرەبەرٸستە, قاراعاندى – نۇر-سۇلتان تاس جولىندا 36 جاستاعى جٷرگٸزۋشٸنٸڭ باسقارۋىمەن Toyota ەstima ماركالى اۆتوكٶلٸك ۇستالدى, ونىڭ سالونىنان سالماعى 16 كەلٸدەن اساتىن “گاشيش” تەركٸلەندٸ. كٶلٸكتٸڭ ٸشٸندە قىلمىستىق توپتىڭ 23 جاستاعى ۇيىمداستىرۋشىسى مەن 20 جاستاعى سىبايلاسى بولعان. كٷدٸكتٸلەر بۇل زاتتى شۋ قالاسىنان ەكەلٸپ, ەلوردادا ساتپاق بولعان. ەسٸرتكٸنٸڭ “قارا نارىقتاعى” باعاسى 16 ميلليون تەڭگە بولار ەدٸ.
سونداي-اق ارنايى وپەراتسييا بارىسىندا پوليتسييا قىزمەتكەرلەرٸ تاس جولدا 27 جاستاعى جٷرگٸزۋشٸنٸڭ باسقارۋىمەن Toyota Camry 50 ماركالى اۆتوكٶلٸكتٸ توقتاتىپ, ودان جەكە تٸنتۋ بارىسىندا “گاشيش” تەركٸلەدٸ" - دەلٸنگەن حابارلامادا.
جٷرگٸزٸلگەن وپەراتسييانىڭ نەتيجەسٸندە زاڭسىز اينالىمداعى 16 كەلٸدەن استام “گاشيش” ەسٸرتكٸسٸ تەركٸلەنگەن.
اتالعان فاكتٸ بويىنشا قر قك 297-بابى 2-بٶلٸگٸمەن “ەسٸرتكٸ قۇرالدارىن, پسيحوتروپتىق زاتتاردى, سول تەكتەستەردٸ ٶتكٸزۋ ماقساتىندا زاڭسىز دايىنداۋ, قايتا ٶڭدەۋ, ساتىپ الۋ, ساقتاۋ, تاسىمالداۋ, جٶنەلتۋ نەمەسە ٶتكٸزۋ” سوتقا دەيٸنگٸ تەرگەۋ جٷرگٸزٸلٸپ جاتىر. ۇستالعاندار قاماۋعا الىندى.
نۇر-سۇلتان قالاسى پد ەسٸرتكٸ قىلمىسىنا قارسى ٸس-قيمىل باسقارماسىنىڭ باستىعى ەرلان اكباروۆتىڭ ايتۋىنشا, ەلورداعا ەسٸرتكٸ زاتتارىن ەكەلۋگە جاسالعان بارلىق ەرەكەتتٸڭ جولى قاتاڭ تٷردە كەسٸلەتٸن بولادى.
