Kriminaldyq politsiia qyzmetkerleri Almatyda arnaiy operatsiia barysynda qarý-jaraq arsenalyn tárkiledi, dep habarlaidy "Ult aqparat".
Politsiia departamentiniń málimetinshe, turǵyn úilerdiń birindegi turaqta politseiler «Lexus LX 470» jáne «Toyota Camry» markaly kólikterin toqtatqan. Alty adam ustaldy, onyń tórteýi buryn sottalǵan.
«Olar shabýyl jasaǵany, urlyq, alaiaqtyq jasaǵany úshin, esirtki qylmysy men qarýdy zańsyz ustaý derekteri boiynsha sotty bolǵan. Eń úlkeni - 33-te, kishisi 25-te. Bireýi Túrkistan oblysynan, qalǵany Almaty oblysynyń turǵyny. Tintý barysynda aiyptalýshylardan jáne olardyń kóliginen «Makarov», «Nagan» jáne «Margolin» júiesiniń eki tapanshasy, tegis uńǵyly eki qarý, «Strajnik» travmatikalyq tapanshasy jáne olardyń oq dárileri tabyldy», - dedi Almatynyń politsiia departamenti basshysynyń orynbasary Berik Ábilbekov.
Atalǵan derek sotaldy tergeýdiń biryńǵai tizilimine engizildi. Kúdiktiler ýaqytsha tergeý izoliatoryna qamaldy.
Spiker tergeý barysynda tárkilengen áskeri arsenaldyń qaidan alynǵany, kimge tiesili ekendigi, sondai-aq, onyń qandai da bir qylmysqa qatysy bar-joǵy anyqtalatyndyǵyn atap ótti.
