QR Premer-Ministriniń birinshi orynbasary Álihan Smaiylovtyń tóraǵalyǵymen arnaiy ekonomikalyq aimaqtar (AEA) qyzmetiniń tiimdiligin arttyrý boiynsha jumys tobynyń otyrysy ótti, dep habarlaidy primeminister.kz.
Esterińizge sala keteiik, 2021 jylǵy 26 qańtarda Úkimettiń keńeitilgen otyrysynda Memleket basshysy biýdjet qarajatyn tiimsiz AEA-ǵa jumsaýǵa bolmaidy jáne olardy joiý kerek dep atap ótti.
Úkimette arnaiy jumys toby quryldy, onyń quramyna Esep komitetiniń, Strategiialyq josparlaý jáne reformalar agenttiginiń, «Astana» halyqaralyq qarjy ortalyǵy men basqa da múddeli memlekettik organdar men uiymdardyń ókilderi kirdi.
Jumys tobynyń otyrysynda AEA tiimdiligin arttyrý tásilderine qatysty suraqtar kóterildi, onyń ishinde:AEA áreket etý merzimin belgilei otyryp, jeńildikter men preferentsiialar berý úshin naqty jáne aiqyn kriteriilerdi anyqtaý (joǵary tehnologiialar, importty almastyrý, joǵary qosylǵan qun, innovatsiia, eksportqa baǵdarlaý jáne t. b.);
- qoldanystaǵy zańnamany jetildirý arqyly óz mindettemelerin oryndamaǵany úshin investorlardyń jaýapkershiligin belgileý;
- jeke AEA-nyń odan ári jumys jasaýynyń maqsattylyǵy, sonyń ishinde «Qorǵas» ShYHO, «Himpark Taraz», «Astana - jańa qala»;
Qorytyndysy boiynsha jedel jáne júielik sipattaǵy sharalar usynyldy, olar AEA-da jobalardy iske asyrý boiynsha jumysty kúsheitýge, basqarýshy kompaniialardyń qyzmetin jaqsartýǵa, sondai-aq otandyq óndirýshilerdi damytý úshin teń básekelestikti qamtamasyz etýge baǵyttalǵan. Á. Smaiylov bir aptanyń ishinde AEA qyzmetin jaqsartý boiynsha usynylǵan tásilderdi pysyqtap, tiisti jobany talqyǵa salý úshin usynýdy tapsyrdy.
Búgingi kúni Qazaqstan Respýblikasynda 13 AEA jumys isteidi. Jumys istep turǵan AEA-da 303 joba iske asyryldy. 20 myńnan astam jumys orny quryldy.
AEA aýmaǵynda ónimniń 136 túri shyǵarylady, onyń ishinde 30-dan astam jańa ónim túrleri indýstriialandyrý baǵdarlamasyn iske asyrýdyń arqasynda paida boldy (tikushaqtar, vintovkaǵa arnalǵan optikalyq kózdeýishter, túngi kórý qurylǵylary, bronetransporterler, lokomotivter, elektr lokomotivter, jolaýshylar vagondary, premiým-qubyrlar, maqta tselliýlozasy, polipropilen jipteri jáne basqalary), sonymen qatar 50-den astam biregei AT sheshimderi men qyzmetteri kórsetiledi.
