Úkimet Qaýlysymen Qazaqstan Respýblikasyndaǵy merekelik kúnderdiń tizbesine jańa data endi, dep habarlaidy "Ult aqparat".
Premer-Ministrdiń resmi saitynda «Qazaqstan Respýblikasyndaǵy merekelik kúnderdiń tizbesin bekitý týraly» Qazaqstan Respýblikasy Úkimetiniń 2017 jylǵy 31 qazandaǵy №689 qaýlysyna tolyqtyrý engizý týraly» qaýly jariialandy.
«Qazaqstan Respýblikasyndaǵy merekelik kúnderdiń tizbesin bekitý týraly» Qazaqstan Respýblikasy Úkimetiniń 2017 jylǵy 31 qazandaǵy №689 qaýlysyna mynadai tolyqtyrý engizilsin: kórsetilgen qaýlymen bekitilgen Qazaqstan Respýblikasyndaǵy merekelik kúnderdiń tizbesi: mynadai mazmundaǵy 11-2-tarmaqpen tolyqtyrylsyn: «11-2. Memlekettik organdardyń arnaiy maqsattaǵy bólimsheleri áskeri qyzmetshisiniń jáne qyzmetkeriniń kúni – 9 maýsym». 2. Osy qaýly alǵashqy resmi jariialanǵan kúninen keiin qoldanysqa engiziledi», -dep jazylǵan qujatta.
Osylaisha, budan bylai 9 maýsym memlekettik organdardyń arnaiy maqsattaǵy bólimsheleri áskeri qyzmetshisiniń jáne qyzmetkeriniń kúni retinde atalyp ótetin boldy.
