Qazaqstanda arnaýly áleýmettik qyzmet kórsetý standarttary jetildirildi, dep habarlaidy "Ult aqparat" QR Eńbek jáne halyqty áleýmettik qoldaý ministrliginiń baspasóz qyzmetine silteme jasap.
Atap atqanda, zańnamalyq bazany jetildirý sheńberinde kórsetiletin qyzmetterdiń sapasyn edáýir jaqsartýǵa múmkindik beretin «Halyqty áleýmettik qorǵaý salasynda arnaýly áleýmettik qyzmetter kórsetý standarttaryn bekitý týraly» Qazaqstan Respýblikasy Densaýlyq saqtaý jáne áleýmettik damý ministriniń 2015 jylǵy 26 naýryzdaǵy buiryǵyna ózgerister engizildi.
Meditsinalyq-áleýmettik mekemelerde (budan ári – MÁM) arnaýly áleýmettik qyzmetter kórsetý standarttarynda mynalar qarastyrylǵan:
- múgedektigi bar adamdar men qarttarǵa arnalǵan sanitariialyq-gigienalyq zattardyń tizbesin kúndelikti jáne ýrologiialyq tósemdermen keńeitý;
- qatty inventar retinde qosymsha pozitsiiany qosý;
- múgedektigi joq adamdarǵa dárigerdiń kórsetilimi boiynsha tehnikalyq kómekshi (ornyn toltyrýshy) quraldar men arnaýly júrip-turý quraldaryn (baldaqtar, taiaqtar, júrgishter, korsetter, bandajdar, emdik beldikter, estý apparattary, bólmelik kreslo-arbalar, serýendeýge arnalǵan kreslo-arbalar, sińirgish jaimalar (jaialyqtar) berý;
- áleýmettik-eńbek qyzmetterin usyný (jylyjailarda, qysqy baqta, úi janyndaǵy ýchaskelerde), bul qyzmet alýshylardy olardyń densaýlyq jaǵdaiyn eskere otyryp, ómirdiń ártúrli nysandaryna tartýǵa múmkindik beredi.
Sondai-aq MÁM-de resimdeý kezinde meditsinalyq tekserýden ótý rásimin ońailatý maqsatynda qoldanystaǵy meditsinalyq karta nysanynda kózdelgen tar sheńberli mamandardyń tizbesi qysqartyldy. Mindetti 8 mamannan 3, sondai-aq barlyq qosymsha 7 maman qysqartyldy.
Úide arnaýly áleýmettik qyzmet kórsetý standarttarynda qarttar men múgedek adamdardy kútý jónindegi áleýmettik qyzmetkerlerdi ýniformamen, jeke qorǵanys quraldarymen (bir ret qoldanylatyn maskalar men qolǵaptar, dezinfektsiialaý quraldary) qamtamasyz etý kózdelgen.
Engizilgen ózgerister men tolyqtyrýlardy múgedektigi bar adamdardyń qoǵamdyq birlestikteri men jergilikti atqarýshy organdar usyndy.
