Mańǵystaý oblysy «Batys» óńirlik qolbasshylyǵynyń «Oimasha» poligonynda áýe shabýlyna qarsy qorǵanys bólimsheleriniń lagerlik jiyny aiaqtaldy, dep habarlaidy "Ult aqparat" QR Qorǵanys ministrligine silteme jasap.
Aqtaý, Aqtóbe jáne Atyraý garnizondary áýe shabýylyna qarsy qorǵanys bólimsheleriniń 200-ge jýyq áskeri qyzmetshisi men 50-ge jýyq áskeri tehnikasy is-júzinde jaýyngerlik maqsattaǵy máselelerdi pysyqtady.
«Áskeri qyzmetshiler ZÝ-23-2 zenittik qondyrǵylarynan jáne tasymaldanatyn zenittik-zymyran kesheninen jaýyngerlik jáne oqý-jattyǵý atystaryn, zenittik-artilleriialyq vzvodtar atystaryn jáne zenittik divizionnyń taktikalyq jattyǵýlaryn oryndady, sondai-aq jaýyngerlik úilestirýdiń sońǵy kezeńin pysyqtady.
Jiyn barysynda daiyndyǵy jaqsy bólimshelerdi anyqtaý úshin arnaiy saiys uiymdastyryldy. Áskeri qyzmetshiler zenittik artilleriianyń atys kýrsy boiynsha teoriialyq erejelerinen biliktilikterin kórsetip, taktikalyq jáne arnaiy daiarlyq boiynsha kórsetkishtetin oryndady», delingen habarlamada.
«Batys» óńirlik qolbasshylyǵynyń áýe shabýylyna qarsy qorǵanys áskerleriniń bastyǵy podpolkovnik Rýslan Nurahmetovtyń aitýynsha, Atyraý qalasy áskeri bóliminiń zenitshileri úzdik nátijege qol jetkizgen.
Ótkizilgen jaýyngerlik atystar men taktikalyq oqý-jattyǵýlardyń nátijeleri boiynsha zenittik bólimshelerdiń komandirleri olardy jaýyngerlik ázirlikke keltirý kezinde, jaýyngerlik is-qimyldardy daiyndaý jáne júrgizý kezinde áskerlerdi basqarýda jańa praktikalyq tájiribe aldy. Zenittik diviziondardyń taktikalyq jattyǵýlary jaqsy daiyndalǵan bólimshelerdi anyqtaýǵa, sondai-aq áýe shabýylyna qarsy qorǵanys áskeri qyzmetshilerin daiarlaý júiesin odan ári jetildirý úshin jumys josparyn anyqtaýǵa múmkindik berdi.
