Armeniiadaǵy mektepter jańa oqý jylyn dástúrli formatta 15 qyrkúiekte bastaidy, mektepterde barlyq sanitariia-gigiena talaptary saqtalýy tiis. Bul týraly Armeniianyń bilim, ǵylym, mádeniet jáne sport ministri Araik Arýtiýnian habarlady.
Onyń sózine qaraǵanda arnaiy kásiptik bilim berý mekemeleri, mýzyka jáne kórkem óner mektepteri de qalypty formatqa kóshedi. Ol joǵary oqý oryndary men ózge de bilim berý mekemelerine bailanysty sheshim aldaǵy ýaqytta qabyldanatynyn aitty.
Naýryz aiynda Armeniia biligi koronavirýsqa bailanysty tótenshe jaǵdai jariialap, karantin engizgen kezde barlyq bilim berý mekemelerinde sabaq toqtap, mektepter men joǵary oqý oryndary qashyqtan oqi bastaǵan edi. Sodan beri elde tótenshe jaǵdai birneshe ret toqtap, qaita kúshine endi. Qazirgi shekteý sharalary 12 tamyzda aiaqtalýy tiis, alaida bilik budan soń taǵy bir aiǵa uzartýdy josparlap otyr.
Amerikalyq Djons Hopkins ýniversitetiniń málimetinshe, Armeniiada epidemiia bastalǵaly beri 40,4 myń adamǵa virýs juqqan, 796 adam qaitys bolǵan.
