Armeniia Respýblikasynyń Ulttyq jinalysy ekinshi týrda Nikol Pashiniandy premer-ministr etip qaita sailaǵan joq. Osylaisha, el Konstitýtsiiasyna sáikes, Armeniianyń jetinshi shaqyrylymdaǵy Ulttyq jinalysy quqyq kúshimen taratylady, dep habarlaidy Armenpress aqparat agenttigi.
Onyń málimetinshe, el premer-ministrin sailaý boiynsha kezekten tys otyrys kezinde Nikol Pashinian sailaný úshin tiisti daýysty jinai almady.
Onyń kandidatýrasyn qoldaǵan jáne qarsy shyqqan bir-bir depýtattan bolsa, qalǵan 76 depýtat daýys berýden tartyndy.
Premer-ministrdi sailaý úshin 67 daýys qajet bolǵan edi.
Bul - táýelsiz Armeniia tarihynda Ulttyq Jinalystyń merziminen erte taratylyp jatqan ekinshi jaǵdai.
2018 jyldyń qarashasynda Armeniia premer-ministr Nikol Pashinianniń otstavkasynan keiin parlament týra sol protsedýra boiynsha taratylǵan.
Premer-ministr qyzmetine jalǵyz kandidat Nikol Pashinian bolǵan edi. Onyń kandidatýrasyn Ulttyq Jinalystyń «Moi shag» fraktsiiasy usynǵan.
Nikol Pashinianniń premer-ministr qyzmetine kandidatýrasy sondai-aq premer-ministr sailaýynyń birinshi týrynda usynylǵan.
Premer-ministrdiń mindetin atqarýshy Nikol Pashinian 3 mamyrda UJ kezekten tys otyrysynda premer-ministr bolyp sailanǵan joq.
Armeniiada Ulttyq Jinalysqa kezekten tys sailaý 20 maýsymǵa belgilengen.
