13 naýryz kúni Armeniiada koronavirýs juqtyrýǵa qatysty taǵy eki oqiǵa tirkelgen. Osylaisha, 8 adamǵa infektsiia juqqan rastaldy. Úkimettiń sheshimi boiynsha, 23 naýryzǵa deiin barlyq bilim mekemeleri jabylady. Úkimet elde koronavirýsqa qarsy sharalardy kúsheitti, dep habarlaidy QazAqparat.
13 naýryzda Armeniianyń Densaýlyq saqtaý ministri Arsen Torosian koronavirýsqa shaldyǵýdyń eki jańa oqiǵasy týraly málimdedi. Virýs buǵan deiin Italiiadan kelgen Echmiadzin qalasynda turatyn áielmen bailanysta bolǵan adamdardan tabyldy.
«Italiiadan kelgen áielmen buǵan deiin bailanysta bolǵan qala turǵyndaryn oqshaýlaý kezinde synama taǵy eki adamnyń koronavirýs juqtyrǵanyn kórsetti. Osylaisha, aýrý juqtyrǵan adamdardyń sany 8-ge jetken», - dep málimdedi Armeniianyń Densaýlyq saqtaý ministri Facebook-tegi paraqshasynda.
Jergilikti BAQ-tyń habarlaýynsha, birshama ýaqyt buryn Italiiadan kelgen Echmiadzin qalasynyń turǵyny oqshaýlaný týraly keńeske qulaq aspai úilený toiyna barǵan.
Armeniia úkimeti elde virýstyń taralýyna bailanysty 13 naýryz kúni keńes ótkizdi. Onyń qorytyndysy boiynsha, premer-ministr Nikol Pashinian Facebook-taǵy paraqshasynda 23 naýryzǵa deiig elde barlyq bilim mekemeleri jabylatynyn málim etti.
Sońǵy málimetter boiynsha, Armeniiada koronavirýsqa shaldyǵýdyń 8 oqiǵasy tirkelgen. Birinshi oqiǵa 1 naýryzda buǵan deiin Irannan kelgen Armeniianyń 29 jastaǵy azamatynan anyqtaldy. 11 naýryzda Armeniianyń 45 jáne 27 jastaǵy eki azamaty jáne Italiianyń bir azamatynan (51 jasta) virýs tabyldy. Olardyń úsheýi de Armeniiaǵa Italiiadan kelgen. 12 jáne 13 naýryzda taǵy eki oqiǵa tirkeldi.
