Búgin Senatta Olga Perepechinanyń tóraǵalyq etýimen Qarjy jáne biýdjet komitetiniń keńeitilgen otyrysy boldy, dep habarlaidy "Ult aqparat".
Depýtattar «Armeniia Respýblikasynyń 2014 jylǵy 29 mamyrda 2014 jylǵy 10 qazandaǵy Eýraziialyq ekonomikalyq odaq týraly kelisimge ózgerister engizý týraly hattamany ratifikatsiialaý týraly» jáne «Qyrǵyz Respýblikasynyń 2014 jylǵy 29 mamyrdaǵy Eýraziialyq ekonomikalyq odaqqa enýi týraly kelisimine Eýraziialyq ekonomikalyq odaq zańnamasyna engizilgen jekelegen halyqaralyq sharttardy qoldanýdyń sharttary men ótpeli erejeleri týraly hattamany ratifikatsiialaý, Eýraziialyq ekonomikalyq odaq organdarynyń Qyrǵyz Respýblikasynyń 2015 jylǵy 8 mamyrdaǵy 2014 jylǵy 29 mamyrdaǵy Eýraziialyq ekonomikalyq odaq týraly shartqa qosylýyna bailanysty aktileri» zań jobalaryn qarady.
Osy zań jobalary Armeniia men Qyrǵyzstandaǵy kedendik bajdardyń EAEO Biryńǵai kedendik tarifiniń stavkalaryna sai birtindep integratsiialanýyna baǵyttalǵan.
Osyǵan bailanysty, asa sezimtal taýarlarǵa qatysty EAEO tarifteri tolyq úilesýi úshin eki memlekettiń ótpeli kezeńi 1 jylǵa uzartylady.
Zań jobalary eki eldiń EAEO aiasyndaǵy saýda-ekonomikalyq qatynastaryn jaqsartady.
