Qanat Islam erejesiz jekpe-jektiń qas sheberi Arman Ospanovqa aǵalyq qoldaýyn jetkizdi, dep habarlaidy "Ult aqparat".
Ol Instagram áleýmettik jelisindegi paraqshasynda: «Arman, sen - qazaqtyń batyrysyń! Sen - chempionsyń! Ony qanshama ret dáleldediń. Álemdik dodalarda el namysyn qorǵadyń, kók týdy jelbirettiń. Qazaqtyń judyryǵy aýyr, jigeri myqty, namysty ult ekenin moiyndatqan jaýjúrek sportshysyń. Ring syrtynda da kúres bar. Bul aiqasta da jaýyrynyń jerge timeitinine senemin. Shyn myqtyǵa túrli synaqtar keledi. Bul jerde de qasqaiyp turyp berý kerek. Bul jerde de eńseni tik ustaý kerek. Moiymaý kerek. Álemdik arenada áli de ulttyń abyroiyn asqaqtatyp, týyn jelbiretý úshin saǵan bul synaqty da jeńý - mindet. Óziń úshin emes, artyńnan erip kele jatqan, eliktep júrgen inileriń úshin, ultyńnyń keleshegi úshin saǵan toqtamaý kerek. Álsizder ǵana ár sózge alańdap, kim ne dep jatyr dep jaltaqtap júredi. Suńqar - biikte samǵaidy. Sen - batyrsyń. Ózińniń ornyń bar. Ony eshkimge berme! Myqty ekenińdi áli talai dáleldeisiń. Ol kún de alys emes! Men saǵan senemin!», - dep jazady.
Eske salaiyq, keshe erejesiz jekpe-jekten WSOF birinshiligi óziniń 35-shi týrnirinde óner kórsetetin sportshylardyń tizimin shyǵardy. Ókinishke qarai, Arman Ospanov pen Stiven Rodrigez arasyndaǵy jekpe-jek bul keshke kirmei qaldy. Oǵan Arman Ospanovtyń qanynan tabylǵan doping sebep bolypty. WSOF basshysy Rei Sefonyń aitýynsha, Marokko elinde ótken əskeri sambodan əlem birinshiliginen keiin atalmysh sportshymyzdyń qanynan tabylǵan doping jáne onyń 4 jylǵa sporttan shettetilgeni nazarǵa alynǵan.
