56,7 kelige deiin salmaqta óner kórsetetin qazaqstandyq belgili faiter Arman Áshimov 24 mamyrda Sankt-Peterbýrgte ótken M-1 Challenge 92 týrnirinde jeńilip qaldy. Týrnirdiń translatsiiasyn "Match-TV" telearnasy júrgizdi.
Qazaqstandyq faiter bul joly ýkrainalyq Aleksandr Doskalchýkpen judyryqtasty.
Jekpe-jek bes raýndtan turýy kerek bolatyn, alaida bul kezdesý tek eki raýndqa jalǵasty. Eki raýndta da ýkrainalyq basym tústi. Qazaqstandyqtyń qarsylasy ekinshi raýndtyń sońynda aýyrtatyn ádisterdi qoldana bastady. Osylaisha Áshimov jaraqat alyp qalyp, jekpe-jekti ári qarai jalǵastyra almady. Dárigerler onyń qolyn syndyryp alǵanyn aitty.
Osylaisha Arman Áshimov sporttyq mansabynda úshinshi ret jeńiliske ushyrap otyr.
Eske sala keteiik, byltyr 22 shildede qazaqstandyq faiter Arman Áshimov M-1 Challenge 81 "Bitva v gorah 6" kásibi týrnirindegi debiýtinde qarsylasyn nokaýtqa túsirgen bolatyn. Týrnir Ingýshetiianyń Targim qalasynda ótti, munda Áshimov jeńilip kórmegen daǵystandyq Gadjimýrat Alievti ekinshi raýndta nokaýtqa túsirdi. Birinshi raýnd boiynsha qazaqstandyq qarsylasyna parterge ótýge múmkindik bermei, basymdyǵyn tanytqan. Al ekinshi raýndtyń basynda Áliev shabýyl jasamaq boldy, Arman osy kezde oń judyryǵyn qarsylasyn daryta bildi.
