Qostanai oblysynyń ákimi Arhimed Muhambetov apparat májilisinde aýdan ákimderine eskertý jasady, dep habarlaidy "Ult aqparat".
2019 jyly Qostanai oblysynyń eki aýdanynda óndiris kólemi azaiǵan. Ásirese, Denisov jáne Naýyrzym aýdandarynyń kórsetkishteri kóńil kónshitpeidi. Ónim óndirý kólemi men investitsiia tartý qarqyny kemigen. Alaida, nátijeleri tómen óńirdiń basshylary bunyń ózindik sebepterin aitty.
«Eginniń shyqpai qalýynyń kesirinen josparymyz júzege asqan joq. Byltyr et pen un baǵasynyń tómendeýi ekonomikaǵa áser etti. Óndiris óniminiń kórsetkishi 2 mlrd 493 mln teńgeni qurady. Bul oblys nátijesiniń 0,2 paiyzyna jetedi. Aýdandaǵy áleýetti degen «Qostanai Treid» et óńdeý kásipornynyń iesi aýysyp ketti. Osyndai sebepterdiń áserinen jalpy kórsetkishimiz tómendedi»,-dep baiandady aýdan ákimi B.Nurǵaliev.
Mundai jaǵdai Naýyrzym aýdanynda da qaitalanyp otyr. Eginniń jalpy túsimi 116,2 myń tonnaǵa azaiǵan.
«Turǵyn úi salýǵa eginniń qandai qatysy bar? Jumys júieli júrgizilmegen. Kásipkerlermen naqty jumys júrgizilmeidi. Kerisinshe, aryz-shaǵym aitýshylar kóbeigen. Olarǵa qysym jasaǵansha, kómektesý kerek. Jumys durys jolǵa qoiylmaǵan. Kórsetkishterińiz kóńil kónshitpeidi. Aýdan basshylarynyń ózderi eshqandai bastama kótermeidi, júktelgen tapsyrmalar da oryndalmaǵan. Naýyrzymda negizgi kapitalǵa salynǵan investitsiia (jeke indeks kólemi 83 %) aýdandar boiynsha sońǵy orynda tur. Qurylys jumystarynyń kólemi 73%-ten aspaidy. Bul da eń tómengi nátije. Óńirlerde «Eńbek» baǵdarlamasy boiynsha jumystardy jandandyrý qajet. Investitsiia tartý máselesine qatty kóńil bólgen jón. Osylaisha biýdjetten shyǵatyn shyǵyndy azaitqan jón», - dep eskertý jasady A.Muhambetov aýdan ákimderine.
Jalpy respýblikalyq kórsetkish boiynsha, 2019 jyly Qostanai oblysy ónim óndirý kólemi boiynsha aldyńǵy orynda tur.
