Atyraý oblysy Qyzylqoǵa aýdanyndaǵy qorymdardan elde buryn-sońdy kezdespegen buiymdar tabyldy, dep habarlaidy Ult.kz ÓKQ-ne silteme jasap.
Qyzylqoǵa aýdanyna qarasty Qarabaý aýylynyń soltústiginen 10 shaqyrym jerde ornalasqan «Qarabaý-2» qorǵanynyń diametri 70, biiktigi 3 metr. 2023-2024 j.j. qorǵanǵa júrgizilgen jumystardyń nátijesinde 9 qabir zerttelip, onyń jeteýiniń tonalmaǵandyǵy anyqtaldy. Qabirlerdi zertteý barysynda olardyń bizdiń dáýirimizge deiingi V ǵasyrda salynǵany belgili boldy. Olardan túrli áshekei buiym, zattar, qarý-jaraqtar men keramikadan, súiekten jasalǵan ydystar tabyldy. Arheologtardyń sózinshe, máiitterdi toptap jerlegen jaǵdailar da kezdesken. Obalardan tabylǵan áshekeiler men paidalanǵan buiym men qarý-jaraqtarǵa qarap mamandar «patshalyq obalar» degen baǵa berip otyr, - dep habarlaidy Óńirlik kommýnikatsiialar qyzmeti.
Atyraý oblystyq tarihi-ólketaný mýzeiiniń 2 jyldyq arheologiialyq jumysynyń nátijesi «Sarmat altyndary» kórmesinde tanystyryldy. Is-sharaǵa oblys ákiminiń orynbasary Daryn Shamuratov, oblystyq mádeniet jáne tilderdi damytý basqarmasynyń basshylary men tarihshylar qatysty.
«Ǵalymdar osyǵan deiin bizdiń aimaqty Sarmat imperiiasynyń sheti dep eseptep kelgen. Biz júrgizgen qazba jumystarynyń nátijesine qarap Kaspii oipaty, Jaiyq, Jem ózeniniń mańy kezindegi úlken imperiianyń ortalyǵy dep aitýǵa bolady. Jalpy tabylǵan jádigerdiń sany myńǵa jýyqtaidy. Onyń júz shaqtysy — altyn áshekei men zergerlik buiym. Olar ań stili negizinde jasalǵan. Sol dáýirde óńirdi mekendegen jyrtqyshtardyń beinesi (barys, qaban, jolbarys, kiik) tabylǵan zattardan baiqaýǵa bolady. Osy zertteý jumysynyń aiasynda buryn kezdespegen aǵashtan jasalǵan qos tostaǵan jaqsy kúide saqtalypty. Qazirgi ýaqytta olar restavratsiiada» dedi arheologiialyq ekspeditsiianyń basshysy Marat Qasenov.
Jalpy 3 oba qazylǵan. Árqaisysynan shamamen 10-15 qabir anyqtalyp otyr. Arheologtardyń aitýynsha, sarmattar táńirlik dini kózqarasta bolǵandyqtan qoldanǵan buiymdarymen qatar, qoldanǵan zattary men qarý-jaraqtarymen birge jerlengen. «Qaraqudyq-1», «Qaraqudyq-2» qorǵandary Qarabaý aýylynan soltústik batysqa qarai 9,7 shaqyrym qashyqtyqta ornalasqan. Qos qorǵandy zertteý barysynda da kúmis piktogramma(aqbókenniń, qasqyrdyń sýretteri), zergerlik buiymdar,turmystyq buiymdar, temir men qoladan jasalǵan qarý-jaraqtar syndy dúnieler tabyldy.
Elimizde buryn-sońdy kezdespegen altyn tutqasy bar synama tastyń ekeýi «Qarabaý-2» qorǵanynan tabyldy. Buryn sarmattyqtar altynnyń durystyǵyn, iaǵni, sapasyn osy tas arqyly anyqtaǵan. Qazirgi ýaqytta osyndai tasty altyn satyp alýmen ainalysatyndar paidalanady. Jerleý oryndarynan adamnyń kiimine taǵylǵan altyn japsyrmalar tabylǵanyn da aita keteiin. Olardyń salmaǵy 2 grammnan bastalady. Eń aýyr altyn áshekei – eki jaǵynda taý barysy beinelegen bilezik. Onyń salmaǵy shamamen 370 grammdy quraidy, - dedi Atyraý oblystyq tarihi-ólketaný mýzeiiniń arheologiia-ǵylymi zertteý qamtamasyz etý bóliminiń meńgerýshisi Ǵalamat Bazarbaev.
Qazba jumystaryna 20 jumysshy men mýzeidiń 5 qyzmetkeri qatysqan. Astana men Almaty qalasynan antropologtar shaqyrylǵan. Jalpy barlaý jumystarynyń nátijesinde Qarabaý aýylynyń mańyndaǵy obalar 2005 jyly anyqtalypty. Arheologtardyń aitýynsha, qazirgi ýaqytta Atyraý oblysynda 500-ge jýyq sarmat obasy bar.
