Kórneki foto: ru.wikipedia.org
Joǵary aýditorlyq palatanyń tóraǵasy Natalia Godýnova memlekettik aýdit kezinde jylýmen jabdyqtaý salasynda anyqtalǵan júieli problemalarǵa toqtaldy, dep habarlaidy Sputnik Qazaqstan.
Sonyń biri - Arqalyqtaǵy Jylý elektr ortalyǵynyń qaǵaz júzinde ǵana paidalanýǵa berilýi.
"Qostanai oblysynyń Arqalyq qalasynda tapsyrys berýshi – Turǵyn-úi kommýnaldyq sharýashylyǵy bólimi – tolyq daiyn bolmasa da, jalpy somasy 7,4 mlrd teńge bolatyn eki jobany – "Arqalyq qalasyn 2030 jylǵa deiin jylýmen jabdyqtaý júiesin rekonstrýktsiialaý" jáne "Qýaty 2,5 MVt 2 stantsiianyń týrboagregatyn aýystyrý bóliginde Arqalyq JEO-ny rekonstrýktsiialaý" qabyldaǵan. Saldarynan Arqalyq JEO tek qaǵaz júzinde paidalanýǵa berildi", - deidi Godýnova Májilistiń jalpy otyrysynda.
Onyń aitýynsha, jylýmen jabdyqtaý salasyndaǵy barlyq júieli problema boiynsha úkimetke usynymdar ázirlendi. Zańbuzýshylyqtardy joiý maqsatynda aýdit obektilerine nusqama berildi.
22 material quqyq qorǵaý organdaryna tapsyrylýǵa tiis, búgingi tańda 16-sy berilgen, al 361 material ákimshilik sharalar qabyldaý úshin joldandy.
