Argentina vitse-prezidenti Kristina Fernandes de Kirshnerge jasalǵan shabýyl videoǵa túsip qaldy, - dep habarlaidy Tengrinews.kz tilshisi Daily Mail basylymyna silteme jasap.
Ol qastandyq áreketinen aman qaldy. Belgisiz er adam onyń betine tapansha taqaǵan.
Oqiǵa 69 jastaǵy de Kirshner Býenos-Airestegi úiinen shyǵyp kele jatqan kezde bolǵan. Ol budan bir kún buryn 2007-2015 jyldar aralyǵynda prezident bolǵan kezinde sybailas jemqorlyqqa qatysty dep aiyp taǵylǵan sot otyrysyna qatysqan. Vitse-prezident ózine taǵylǵan barlyq aiypty joqqa shyǵardy.
Oǵan qarý taqaǵan 35 jastaǵy er adam ekeni anyqtaldy. Ol - Braziliia azamaty. Kadrlarda onyń kópshilik arasynda turyp, 32 kalibrli "Bersa" tapanshasyn Kirshnerge baǵyttaǵanyn, biraq oq atpaǵanyn kórýge bolady. Er adamdy kúzet qyzmetkerleri ustap, qamaýǵa alǵan.
Eldiń qazirgi prezidenti qastandyq áreketti Argentinada 1983 jyly demokratiia qalpyna keltirilgennen bergi eń soraqy oqiǵa dep atady.
