ارگەنتينا ۆيتسە-پرەزيدەنتٸ كريستينا فەرناندەس دە كيرشنەرگە جاسالعان شابۋىل ۆيدەوعا تٷسٸپ قالدى, - دەپ حابارلايدى Tengrinews.kz تٸلشٸسٸ Daily Mail باسىلىمىنا سٸلتەمە جاساپ.
ول قاستاندىق ەرەكەتٸنەن امان قالدى. بەلگٸسٸز ەر ادام ونىڭ بەتٸنە تاپانشا تاقاعان.
وقيعا 69 جاستاعى دە كيرشنەر بۋەنوس-ايرەستەگٸ ٷيٸنەن شىعىپ كەلە جاتقان كەزدە بولعان. ول بۇدان بٸر كٷن بۇرىن 2007-2015 جىلدار ارالىعىندا پرەزيدەنت بولعان كەزٸندە سىبايلاس جەمقورلىققا قاتىستى دەپ ايىپ تاعىلعان سوت وتىرىسىنا قاتىسقان. ۆيتسە-پرەزيدەنت ٶزٸنە تاعىلعان بارلىق ايىپتى جوققا شىعاردى.
وعان قارۋ تاقاعان 35 جاستاعى ەر ادام ەكەنٸ انىقتالدى. ول - برازيلييا ازاماتى. كادرلاردا ونىڭ كٶپشٸلٸك اراسىندا تۇرىپ, 32 كاليبرلٸ "بەرسا" تاپانشاسىن كيرشنەرگە باعىتتاعانىن, بٸراق وق اتپاعانىن كٶرۋگە بولادى. ەر ادامدى كٷزەت قىزمەتكەرلەرٸ ۇستاپ, قاماۋعا العان.
ەلدٸڭ قازٸرگٸ پرەزيدەنتٸ قاستاندىق ەرەكەتتٸ ارگەنتينادا 1983 جىلى دەموكراتييا قالپىنا كەلتٸرٸلگەننەن بەرگٸ ەڭ سوراقى وقيعا دەپ اتادى.
